POP 5

Lajmet më të lexuara të 5 minutave të fundit

Ekonomi

Berisha: 2/3 e burimeve ujore
ende të pashfrytëzuara

Kryeministri Berisha ka qenë i pranishëm në forumin e organizuar në Tiranë nga Konfindustria  për sektorin e energjisë. Në këtë takim kanë marrë pjesë rreth 30 kompani dhe u prezantuan 7 projekte të energjisë në proces si dhe u diskutuan skemat e financimit të tyre.
Berisha: 2/3 e burimeve ujore<br /> ende të pashfrytëzuara
TIRANE- Kryeministri Berisha ka qenë i pranishëm në forumin e organizuar në Tiranë nga Konfindustria  për sektorin e energjisë. Në këtë takim kanë marrë pjesë rreth 30 kompani dhe u prezantuan 7 projekte të energjisë në proces si dhe u diskutuan skemat e financimit të tyre. Qëllimi i forumit ishte diskutimi i modelit ekonomik të aplikuar në Shqipëri për nxitjen e investimeve në energji si dhe modelet e financimit afatgjatë për projektet madhore.

Duke ftuar investitorët të kenë sytë nga Shqipëria për të investuar edhe më  shumë në këtë sektor, Berisha tha se Shqipëria ka potenciale të mëdha ujore dhe më shumë se 2/3 e tyre janë të pa shfrytëzuara. Gjithashtu, u shpreh kryeministri, Shqipëria ka potenciale të mëdha për të shfrytëzuar në fushën e hidrokarbureve, ka potenciale të mëdha eolike dhe solare.
Kryeministri Berisha u shpreh se, Shqipëria do të bëhet një vend lider në rajon në prodhimin  e energjisë së rinovueshme dhe në eksportin e saj. Gjithashtu kryeministri u ndal tek projekti më i rëndësishëm që Shqipëria ka firmosur,  projekti TAP, i cili do të furnizojë vendin me gaz, por do të krijojë mundësinë e hapjes së dhjetëra e qindra vendeve të reja pune. 

Kompanitë energjetike të përfaqësuara në forum ishin Statkraf, Petromasa, Shell, EVI, Verbund, Toshiba, etj. Qeveria shqiptare, tha Berisha, ka firmosur me kompanitë e energjisë  së vendeve të ndryshme të Norvegjisë, Italisë, Turqisë, Austrisë dhe shumë vendeve të tjera 127 kontrata, për ndërtimin e 363 hidrocentraleve nga 443 që janë për t’u ndërtuar, të vegjël, të mesëm dhe të mëdha, pastaj në mikro ata janë të panumërt. Në këtë sistem dhe nga këta 363 hidrocentrale, me te cilët janë firmosur kontrata 53 kanë përfunduar.

Redaksia online
(sg/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Autobiografia e Merkel: Vetëm anëtarësimi në BE sjell paqe në Ballkan

Autobiografia e Merkel: Vetëm anëtarësimi në BE sjell paqe në Ballkan

27 Nëntor, 08:33