Berisha: BE-ja nuk donte kokën e Tahirit, të hedhim Ramën!

Pas dorëheqjes nga mandati nga ana e deputetit i Saimir Tahiri, Sali Berisha foli para medieve jashtë Kuvendit, pas bojkotimit të seancës plenare nga opozita në momentin që nisi të flasë Edi Rama. Ish-kryeministri deklaroi se BE-ja nuk kërkoi kokën e Saimir Tahirit, por dorëheqjen e Edi Ramës, si kusht për integrimin Shqipërisë në familjen e madhe evropiane.

Deri sa Edi Rrama qëndron dhe flet aktualisht në parlament, dorëzimi i mandatit të tij (Tahirit) sot është dëshmi e forcës së krimit. Në vend që një parlamen të ketë forcën për t’i hequr mandatin, një takim i fshehtë është parlajmëruar se është bërë në një spital privat të Tiranës. Në atë takim tresh janë bërë premtime të tilla. I treti ishte Lal Plehu.  Kjo është një fitore e mbarë shqiptarëve dhe opozitës që mban flamurin e dekriminalizimit të parlamentit dhe Shqipërisë.

LEXO EDHE:
Mero Baze: Po sikur Ylli Rakipi mos ta kishte bërë atë deklaratën për Shkëlzenin?

Asgjë nuk ndryshon nëse njeriu që  po flet tani në parlament, që vetëm mashtron, që udhëotn si faqja e zëzë nëpër Evropë, dhe që i bojkotojnë darkat dhe pritjet, si të ishte i dërguari i Kim Jong Unit, njeriut të cilit i ka dalë boja si psikopat dhe lider toksik, nuk ikën. Ai përpiqet me çdo kusht të mbijetojë. Ai nuk kupton se bota nuk kërkonte konë e Saimir Tahirit, por dorëheqjen e Edi Ramës. Edi Rama është pengesa absolute e shqiptarëve drejt integrimit evropian. Përsëri ngarkesat që çojnë tek Olsi qarkullojnë në të gjitha kancelaritë e Evropës.

Rama riktheu burgjet politike në Shqipëri. Ftoj shqiptarët të ngrihen në lartësinë e tubimit të kuksianëve, t’i bëjnë Edi Ramës, atë që i bën armët pak ditë më parë kryeministrit dhe se si e palosën diktatorin guximtarët e Nikaraguas. Të hedhim, të hedhim kalbësirnë Edi Rama!

Sali Berisha

Pak më herët, kryetari i grupit parlamentar të PD-së Edmond Spaho, deklaroi nga folrotja e Kuvendit se dorëheqja e Tahirit ishte një shantazh ndaj Ramës, pasi ish-ministri i Brerndshëm ka në dorë disa dosje që implikojnë qeverinë.

Sot i bëri presion, unë po bëj sikur po e jap mandatin, por i bëri presion kur i tha se dikush i kishte propozuar të thoshte se Rama është kontrabandisti më i madh, i bëri presion edhe Xhafajt. Tahiri pati zgjuarsinë që të mblidhte ca dosje dhe sot i tund dhe thotë po më latë mua, pushteti do të shkojë në gropë. Në 4-5 muaj i shkatërruan të gjitha provat. Pasi ikën oficerët e policisë në emigracion dhe pasi e çuat Nazer Seitin në Itali që të mos ketë mundësi të deponojë. Pa hyrë në burg Tahiri, nuk do të ketë hapje të negociatave.

Edmond Spaho

TAG:
• sali berisha
• saimir tahiri

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  63.7%

• Jo

  29.6%

• Nuk e di

  6.7%

Vota total: 4054

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di