Berisha: Beqaj pagoi 300 mijë euro për mbylljen e dosjes në vitin 2017

Sali Berisha ka deklaruar se arrestimet e ish-zyrtarëve nga SPAK për shpërdorim detyre dhe mashtrim me koncesionin e sterilizimit, janë të dirigjuara direkt nga Edi Rama. Berisha tha se Beqaj ka paguar 300 mijë euro në 2017 për mbylljen e dosjes.

“Deri sot, arrestimet janë të dirigjuara direkt nga Edi Rama. Kapaku i kësaj është Ilir Beqaj. Dihej botërisht se Ilir Beqaj është autori kryesor i këtyre koncesioneve në shëndetësi.

LEXO EDHE:
Rama mbledh të martën deputetët dhe ministrat në Kryesinë e Kuvendit! Porosia: Të mos ketë mungesa

Natyrisht, pas hetimit dyvjeçar, thuhet se pagoi 300 mijë euro dhe në vitin 2017, prokuroria deklaroi se kontrata është në përputhje me ligjin. Natyrisht, ndërhyrja e Edi Ramës ishte shumë e fortë. Vijmë kësaj radhe. Ka një moment shumë interesant, këto vendime gjykatësi i ka marrë në qershor. Këto vendime janë mbajtur në sirtar dhe janë lëshuar vetëm kur ka urdhëruar Edi Rama.

Nuk është SKAP-i ai që ka meritën e vazhdimit të hetimit. Përkundrazi, SKAP-i e mbrojti Ilir Beqën. Është gjykatësi, ç’është e vërteta, që ka urdhëruar hetimet për Ilir Beqën.

Pse e ka bërë? Se edhe atë, ndërgjegja njerëzore nuk e ka lejuar të kalojë në atë mënyrë një dosje ku nga rreshti i parë gjer të fundit është Ilir Beqaj dhe Ilir Rrapaj. Dhe ai ka thënë të mos turpërohem. Vetëm një organ i kontrolluar nga Edi Rama mund t’i lejonte vetes këtë akt që i ka lejuar SKAP-i në këtë rast. Askush tjetër nuk mund ta bëjë”- tha Berisha.

Lajmi kryesor:

Arrestimet e SPAK për sterilizimin, Berisha: Autorët kryesor të kësaj vjedhje janë Ilir Beqja dhe Edi Rama! PD: Të hetohen

M.Q./S.G/Shqiptarja.com

TAG:
• koncesioni i sterilizimit
• sali berisha
• Ilir Meta
• PD
• spak
• ilir beqaj
• edi rama