POP 5

Lajmet më të lexuara të 5 minutave të fundit

Politikë

Berisha: Clinton në Tiranë
për 100 vjetorin e Pavarësisë
| 

Sekretarja amerikane e shtetit, Hillary Clinton do të jetë në Tiranë për festimet e 100 vjetorit të Pavarësisë së vendit. Sikundër bën me dije zyra e shtypit e kryeministrisë, sekretarja Clinton i rikonfirmoi kryeministrit Berisha, gjatë takimit dje në Departamentin e Shtetit se Shtetet e Bashkuara të Amerikës janë shumë të interesuara ta shikojnë Shqipërinë sa më parë vend anëtar të Bashkimit Europian dhe se do të vijojnë të mbështesin fuqishëm në këtë rrugëtim drejt BE-së.
Berisha: Clinton në Tiranë<br />për 100 vjetorin e Pavarësisë<br /> | 
WASHINGTON – Kryeministria zbardhi sot takimin e një dite më parë të kryeministrit Berisha me sekretaren amerikane të shtetit, Hillary Clinton. Sipas njoftimit zyrtar takimi është zhvilluar dje, në orën 14.00 (ora lokale), në Departamentin e Shtetit.
Për më shumë se 40 minuta Clinton dhe kryeministri Berisha, bashkë me delegacionin që e shoqëronte kanë zhvilluar një takim.
Sikundër bën me dije zyra e shtypit e kryeministrisë, sekretarja Clinton i rikonfirmoi Kryeministrit se Shtetet e Bashkuara të Amerikës janë shumë të interesuara ta shikojnë Shqipërinë sa më parë vend anëtar të Bashkimit Europian dhe se do të vijojnë të mbështesin fuqishëm në këtë rrugëtim drejt BE-së, por edhe në të gjitha fushat e tjera të bashkëpunimit dypalësh.

Kryeministri Berisha e falenderoi Sekretaren Clinton për pritjen e përzemërt dhe i shprehu asaj mirënjohjen më të thelle për të personalisht, për Presidentin Obama, qeverinë e SHBA-së dhe taksapaguesit amerikanë për mbështetjen e çmuar dhe ndihmën bujare që ata i kanë dhënë dhe i japin Shqipërisë, gjatë gjithë kësaj periudhe, në përpjekjet e saj për kapërcimin e vështirësive, ndërtimin e lirisë dhe vlerave të saj, konsolidimin e demokracisë funksionale të bazuar mbi ekonominë e tregut të lirë.

Gjatë bisedës, e cila u zhvillua në një atmosfere shumë të ngrohte e miqësore, u rikonfirmuan marrëdhëniet e shkëlqyera, të ngushta e miqësore midis të dy vendeve, si dhe u diskutua gjerësisht mbi zgjerimin dhe thellimin e bashkëpunimit frytdhënës në të gjitha fushat.

Kryeministri Berisha shfrytëzoi rastin për t’i rishprehur Sekretares Clinton dëshirën e tij, të qeverisë shqiptare dhe të të gjithë shqiptarëve për të pritur znj. Clinton së shpejti në Shqipëri, si mike e madhe dhe e shquar e Shqipërisë dhe e kombit shqiptar. Sekretarja Clinton ju përgjigj kësaj ftese të Kryeministrit me premtimin se do të vijë në Tiranë, për të festuar se bashku 100 vjetorin e pavarësisë së Shqipërisë.

PRONONCIMI PËR MEDIAN
Sekretarja Clinton: Është një nder të mirëpres Kryeministrin e Shqipërisë, këtu, në Departamentin e Shtetit. Kryeministri dhe vendi i tij kanë qenë partnerë të fortë me Shtetet e Bashkuara të Amerikës në NATO, si pjesë e misionit tonë në Afganistan dhe ne kemi një marrëdhënie të gjerë e të thelle që e vlerësojmë lart. Mezi pres të diskutoj me Kryeministrin Berisha për shumë çështje, për të cilat ne po punojmë si në aspektin dypalësh, rajonal dhe atë global. Zoti Kryeministër mirëserdhët!

Kryeministri Berisha: Jam shumë i lumtur dhe mirënjohës që ndodhem këtu, të takoj Sekretaren Clinton. Ajo është një mike e madhe e vendit dhe e kombit tim. Po ju rrëfej se një prej qëllimeve të këtij takimi është që t’i kërkoj të vijë në Shqipëri në 100 vjetorin e pavarësisë. Shtetet e Bashkuara të Amerikës kanë luajtur një rol themelor në të gjitha momentet më të vështira të historisë tonë. Kështu që çdo shqiptar do të jetë krenar dhe i lumtur për këtë vizitë.

Gjithashtu, ne do të diskutojmë për shumë çështje të interesit tonë dypalësh. Shqipëria ka pasur privilegjin e jashtëzakonshëm të mbështetet nga ky vend i madh, nga administrata e Presidentit Obama, nga Sekretarja Clinton, në të gjitha përpjekjet e saj për të ndërtuar një demokraci të bazuar në lirinë e tregut. Faleminderit shumë.

(aq/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Logjika politike e guerriles së senatorëve të Sali Berishës

Ylli Pata: Logjika politike e guerriles së senatorëve të Sali Berishës

24 Dhjetor, 18:33 nga Ylli Pata