Berisha: Deputetët e Rithemelimit me grup të ri parlamentar në shtator! Bardhi kreu i grupit?! Ish-kryeministri: E vendosin ligjvënësit

Sali Berisha deklaron se Mirel Mërtiri i cili së bashku me Klodian Zoton janë në kërkim pasi akuzohen për “Mashtrim me pasoja të rënda lidhur me projektet e tre inceneratorëve i është refuzuar azili politik në Vjenë, ndërsa pret të largohet në Zimbabve.

“Mund të ju informoj këtu se, sekretin që mban qeveria pikërisht për këto qëllime, Mirel Mërtiri që ndodhet në Vjenë dhe ka kërkuar azil politik ka kaluar gjykimin në Gjykatën e Shkallës së parë në Vjenë dhe gjykata ja ka refuzuar azilin politik Mirel Mërtit. Qeveria po i përgatit pasaportën atij në mënyrë që ai të ja mbathë atje ku janë një pjesë e mirë e parave në Zimbabve. Këto janë informacione të sigurta. E kam edhe një informacion tjetër për ta mbyllur këtë ekspoze.

Zoto rrezatohet, bronzohet mirë e bukur në Vlorë. Dhe në dispozicion të Klodian Zotos, ua them me përgjegjësi të plotë, nga persona që nuk u shpëton gjë, kjo është vetura me të cilën shëtit Klodian Zoto dhe e kujt është thoni ju, është e ‘Integrate Energy’ që tani e ka agjencia shtetërore e mbikëqyrjes së djegësit të Tiranës."

Berisha nuk vuri asnjë dokument në dispozicion të gazetarëve lidhur me këtë informacion. 

Sali Berisha paralajmëron ndarjen e deputetëve të Rithemelimit nga grupi zyrtar i PD në parlament.

“PD do të ketë grupin e saj parlamentar në Kuvend në fillim të sesionit, cili do jetë krytar do të varet nga deputetët, por do të ketë grupin e vet” tha Berisha në konferencë për median.

Sa i takon zgjedhjeve të Kukësit Berisha do të marrë pjesë

“Padiskutim që do kemi kandidatin, akoma nuk e kemi përcaktuar, do të diskutohet, pastaj do të përcaktohet”

Aktualisht janë 8 deputetë që i janë bashkuar Sali Berishës dhe përjashtuar nga grupi i PD-së. Ndërsa një pjesë tjetër e deputetëve të Rithemelimit figurojnë në kuvend si deputetë të PD-së zyrtare.

Në shtator Berisha pritet që së bashku me këto deputetë dhe me deputetë të përjashtuar të bëjnë një grup parlamentar sikur e paralajmëroi sot në konferencë për median.

Pikëpyetja është nëse Berishës do i bashkohen edhe deputetët që iu kundërvunë Bashës në garën për kreun e PD-së. Ndërkohë Belind Këlliçi hoqi dorë nga mandati për të kandiduar si kryetar bashkie në zgjedhjet e 14 majit përballë Erion Velisë, zgjedhje të cilat i humbi. 

Mes 8 deputetëve janë
Sali Berisha
Albana Vokshi
Edomond Spaho
Luan Baçi
Flamur Noka
Tritan Shehu
Oerd Bylykbashi
Agron Shehaj

Ndërkohë kur kanë kaluar 3 muaj nga zgjedhjet vendore, Berisha ka bërë me dije se nuk do të votëbesohet në Kuvend, por ka dalë me një tjetër tezë, atë të referendumit për të cilin ende nuk ka një datë

“Unë nuk votëbesohem në Kuvend, por në referendum. Do të caktohet një datë. U bë mbledhja e kryesisë, u bë mbledhja e Këshillit Kombëtar, u miratua rezoluta. Tani duhet të mblidhet kryesia dhe  duhet të përcaktojë agjendën e veprimeve. Është i pashmangshëm. Votëbesimi është ligj absolut, kjo është”, tha Berisha.