Teksa Shtetet e Bashkuara ia kanë mbyllur derën familjarisht, Sali Berisha ka nisur një luftë në dy fronte. Një me Uashingtonin zyrtar përmes padive e kërcënimeve dhe të dytën me historinë. Thuajse çdo ditë, Facebook i tij kombinohet përmes një meme-je, një denoncimi nga shoku i tij imagjinar me emrin ‘Qytetari Dixhital’ dhe një postimi herë me Bushin e vjetër e herë me të riun. Është trishtuese sa edhe qesharake që në kohën kur të gjithë kanë akses në arkiva dhe në internet, Sali Berisha përpiqet t’i bëjë shqiptarët, dhe jo vetëm, për budallenj.
Ai u referohet dy takimeve me Bushët ish-presidentë, me të parin në SHBA dhe të dytin në Tiranë duke ia veshur vetes si meritë. E thënë ndryshe: Sikur presidentët amerikanë mezi prisnin të takoheshin me Sali Berishën, këtë mik të madh të Uashingtonit!? Arsyet pse Sali Berisha u thirr në Shtëpinë e Bardhë nga George H.W. Bush në vitin 1992 sigurisht që lidheshin me procesin demokratik që sapo kishte nisur në Shqipëri. Madje Berisha shoqërohej në vizitë nga Alfred Serreqi dhe Eduard Selami dhe biseda me Bushin e vjetër u bë pikërisht në prezencë të tyre. Pra asnjë bisedë apo porosi personale për të nga Shtëpia e Bardhë.
Duhet theksuar se George H.W Bush në vitin 1992 ishte një vit para largimit nga detyra e lartë e Presidentit të SHBA-ve, ku shërbeu për vetëm një mandate 4-vjeçar. Ishte 69 vjeç kur e la Zyrën Ovale.
Reklama e dytë që paraqet sot Berisha është ardhja e George W. Bush në Shqipëri. Nuk ka lënë foto pa postuar në këto ditë të vështira të marrëdhënieve të tij personale me Uashingtonin, por “harron” sërish arsyet e vizitës. Në 10 qershor të vitit 2007, pra 14 vite më parë presidenti amerikan i kohës nga Tirana shprehu qartë mbështetjen e SHBA për pavarësinë e pashpallur ende të Kosovës. Përveç Berishës, ai u takua me homologun e tij Alfred Moisiu i cili i dorëzoi edhe “Urdhrin e flamurit” për kontributin e dhënë në çështjen shqiptare. Në konferencë, Bush nuk foli për Sali Berishën, por për planin e të dërguarit të posaçëm të OKB-së në Kosovë, Marti Ahtisari. Njësoj si në rastin e të atit, George W.Bush shtrëngoi duart me Berishën një vit para mbarimit të detyrës.
Tani, këto dy episode që Sali Berisha ka qejf t’i përdorë si fakte se Amerika e do atë, kanë një problem po aq të madh sa e vërteta historike e shtrembëruar prej tij.
Sot, 76-vjeçari Sali Berisha harron se Bushi i vjetër, ndryshe nga ai, ndenji vetëm katër vite në pushtet. E la politikën në moshën 69 vjeçare dhe ka ndërruar jetë prej tri vitesh.
Bushi i ri qëndroi si president i SHBA-ve tetë vite dhe e la skenën politike para 13 vitesh në moshën 63 vjeçare duke ia dorëzuar zyrën Barak Obamës.
Pyetja që shtrohet për Berishën është se si ka mundësi që këta burra shteti të SHBA-ve janë larguar nga politika dhe ti që i kishe idhuj apo miq, s’i more kurrë si shembull?
Duket se ky fiksimi i Berishës për t’u marrë me arkivat dhe me familjen Bush më tepër se gjithçka po zbulon dëshirën e errët të tij për një pushtet të përjetshëm…
Komente
Lajme të tjera
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ylli Pata: E marta e kiametit...
23 Nëntor, 19:52
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44
kur e takoj ore. nje vit para mbarimit te detyres?? po skeni turp?! Tirana nuk eshte londra apo berlini apo londra. Nornal qe e takojne shqiperine per probleme. sdo gapin mandatin duke takuar berishen apo ty. apo edhe ramen. Problemi eshte tjter do apo sdo ti e ata q te paguajne. Shqiperia eshte faktor ne rajon per mire apo per keq. ashtu dhe berisha. berish mbetet edhe pas vdekjes pjese e historis e se ketij vendi. Ter jeten ne duke i ber retush historise
Përgjigju