Berisha e kap më mediat: Pse mbrojnë Ramën, nuk e shohin që vota u ble! Janë të blerë edhe ata

 

Ish-Kryeministri Berisha nuk ndalet së justifikuari humbjen e thellë të 14 majit me manipulimet sipas tij. Edhe në takimin sot me Kryesinë dhe grupin e ‘Rithemelimit’ ai tha se vota e blerë madje i kërkoi llogari edhe gazetarëve të cilët sipas tij nuk e mbështesin këtë qëndrim.

“U them avokatorëve të verbër të Edi Ramës, që u ka verbuar sytë e mendjes. Tragjike që bëjnë avokatinë e këtij procesi. Është hera e parë në histori që vota blihet haptas, publikisht, me 670 mijë zarfa. Secila prej tyre 50 mijë lekë në mes të fushatës elektorale, drejtuar pensionistëve shqiptarë. Rama mblodhi punonjësit në Kryeministri dhe i tha ‘ti do ta kesh rrogë 2 milionë’ e kështu me radhë. Ai mobilizoi fondin e pagave dhe pensioneve për të grabitur votës e shqiptarëve.

LEXO EDHE:
Ylli Pata: 'Diversiteti' - Teza e Agron Gjekmarkajt, si tendë për ballkonin e Berishës

Një tjetër blerje nën dorë ishte operative. Në një pjesë të madhe të bashkive, në ato ku ai parandjenjë rrezik. Unë kam dëgjuar avokatët e mega krimit në media të shtrojnë pyetjen: keni –prova?  Ato denigrojnë veten e tyre me këtë pyetje! Nuk ka provë më të madhe sesa këto që thashë! Asgjë nuk i pengon atyre të shohin, por siç duket ata që kanë blerë votën u kanë blerë edhe gjuhën atyre”, tha Berisha.

Lajmi kryesor:

Humbja e thellë më 14 maj, Berisha sulmon mediat: Rama i ka blerë siç bleu votën! Ne nuk i mbrojmë zgjedhjet me armë e dhunë por me dinjitet e rregulla

K.T./r.k./Shqiptarja.com

TAG:
• Rithemelimi
• sali berisha
• zgjedhjet vendore 2023
• koalicioni berisha meta