Berisha emëron specialistin e
përgjimeve në krye të SHIU-t

TIRANE- Kryeministri Berisha kompleton listën e krerëve të shërbimit të zbulimit të shtetit shqiptar, duke emëruar në krye të inteligjencës ushtarake kolonel Ilirjan Balliun, deri tani atashe ushtarak në Romë.

Kreu i qeverisë pranoi dorëheqjen e Ylli Zylës nga posti i kreut të Shërbimit të Zbulimit Ushtarak. Ndërsa propozimi për emërimin në këtë post të kolonel Ilirjan Balliun, është bërë nga ministri i Mbrojtjes Arben Imami, pohojnë burime pranë këtij dikasteri, shkruan sot gazeta Shqiptarja.com.

Gazeta zbulon më tej se Ilirjan Balliu ka qënë para disa vitesh brenda strukturës së këtij shërbimi, dhe ka punuar vetëm tek sektori i përgjimeve dhe kundërzbulimit.  Jo vetëm kaq burime pranë ministrisë së Mbrojtjes bëjnë të ditur se Balliu është njeriu që ka qënë pjesë e grupit që kanë negociur për blerjen e aparaturave speciale të përgjimit telefonik dhe ambjental tek një kompani private, që tregton paisje të tilla.

Gazeta Shqiptarja.com shkruan më tej se Balliu është graduar me gradën Kolonel nga ministri i Mbrojtjes, Arben Imami jashtë kritereve duke u shkelur procedurat për t’u ngritur në detyrë.
Per shkrimin e plotë në Shqiptarja.com  Blini gazetën online

(Në rreth shefi i ri i SHIU-t Ilirjan Balliu në një prej aktiviteteve të ministrisë së Mbrojtjes)