Me pikët politike që i kanë rënë në minimumin e vet historik, teksa në shesh nuk mblidhen as qindra mbështetës demokratë, kurse vetë prej 30 Dhjetorit 2023 ndodhet në arrest shtëpiak, Sali Berisha po gjen zgjidhje për ta ‘rinuar’ partinë.
Në kërkim të ‘gjakut të ri’ dhe për të zbutur paksa imazhin e vet, ish-kryeministri që sot u mor i pandehur nga SPAK për veprën penale “korrupsion pasiv”, në lidhje me dosjen “Partizani”, ka filluar nxjerrë në deklarata për shtyp nga selia të cilës i siguroi edhe vulën, një tjetër miss.
Bëhet fjalë për Fjoralba Dizdarin, ish-Miss Universe Albania, e cila është zgjedhur edhe anëtare e Këshillit Kombëtar të PD-së, pasi la Amerikën dhe u kthye në Shqipëri.
![](https://shqiptarja.com/template/img/NO_ALFA_Kuadrate shqiptarja.png)
Dizdari është e njohur si miss, modele dhe prezantuese, por prej disa kohësh është përfshirë edhe në politikë, në Partinë Demokratike të Berishës. Tani selia blu bëhet me dy bukuroshe misse, Fjoralba Dizdari dhe Floriana Garo.
Dhe i nxjerr me radhë për deklarata për shtyp, me shpresë se do t’i rregullojnë pikët e imazhit jo vetëm partisë në minimumin politik, por edhe të tij, për shkak të problemeve me drejtësinë.
Fjoralba Dizdari dhe kreu i PD, Sali Berisha
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)