Kandidati për deputet i koalicionit “Djathtas për Zhvillim” për Qarkun Vlorë, Edvin Kulluri, ka reaguar lidhur me mitingun e Sali Berishës këtë të enjte në Himarë, ku u shfaq krah eurodeputetit Fredi Beleri dhe Petro Gjikurisë.

Përmes një videoje në rrjetet sociale, Kulluri i drejtohet Berishës dhe Partisë Demokratike duke thënë se ”nuk mund të jeni patriotë me kandidatët që keni marrë borxh nga ata që duan të “kafshojnë jugun” e Shqipërisë”.

“I patë sot patriotët në krah të Gjikurisë dhe Fredi Belerit. Partia e djathtë e patriotëve që përbehetohen për kombin, familjen dhe Zotin. Lëreni familjen dhe Zotin në punë të tyre po nuk mund të jeni patriotë duke punuar për kandidatët e “vorioepirit”. Nuk mund të jeni patriotë me kandidatët që keni marrë borxh nga ata që duan të “kafshojnë” jugun e Shqipërisë. Nuk jeni as të djathtë, nuk jeni as njerëz patriot, nuk jeni as burra, ju nuk jeni asgjë dhe prandaj nuk do merrni gjë më 11 maj se njerëzit e kuptojnë këtë gjë”,- thotë Kulluri.

Në fund të deklaratës së tij, Kulluri u bën thirrje qytetarëve që më 11 maj të votojnë koalicionin "Djathtas për Zhvillim".
K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Maj, 09:33

    Si ju është dukur fushata zgjedhore?

Lajme të tjera