DIBËR- Sali Berisha në këtë ‘Foltore’ në Peshkopi, një nga bastionet historik të së djathtës, është braktisur nga 3 deputetët demokrat. Kreshnik Çollaku, Dhurata Çupi, madje edhe Xhelal Mziu, që e ka cilësuar Berishën si idhullin e tij, nuk i kanë shkuar në ‘Foltore’ e ish-kryeministrit, ku qëllimi është i qartë, largimi i Lulzim Bashës, pasi ai zgjodhi të mbante anën e SHBA-së dhe të përjashtonte Berishën, tashmë të shpallur ‘Non Grata’ nga grupi parlamentar të PD-së.
Ndonëse Lulzim Basha e bën të qartë se nuk do të lejojë asnjë Kuvend që të vë në diskutim vendimin e tij, Sali Berisha nuk heq dorë, madje sot nga Peshkopia tha 2/3 e delegatëve të Dibrës kanë firmosur për mbledhjen e Kuvendit Kombëtar të PD
“Kam ardhur sot këtu me një kënaqësi të veçantë për të falenderuar të gjithë demokratët dhe demokratët e Dibrës për mbështetjen që i kanë dhënë PD që nga themelimi i saj deri sot. Dua të falenderoj të gjithë, në mënyrë të veçantë, të gjithë delegatët e Kuvendit Kombëtar të Peshkopisë, Bulqizës dhe Matit të cilët kanë firmosur tashmë mbi 2/3 vendimin e tyre, për të mbledhur në një moment historik për PD dhe vendin, Kuvendin Kombëtar të PD, Kuvendin e ringritjes së kësaj force politike në lartësinë e idealeve të saj si opozita më e fuqishme e vendit”, tha Berisha.
Ky është takimi i tetë që ka mbajtur Berisha në kuadër të lëvizjes që ka nisur pas përjashtimit të tij nga grupi parlamentar i Partisë Demokratike me vendim personal të kryedemokratit, Lulzim Basha. Më herët, Berisha ka zhvilluar takime me demokratët në Tiranë, Fier, Vlorë, Durrës, Shkodër, Gjirokastër, Elbasan, Korçë dhe Kukës. Përtej lumit të akuzave që vijnë nga kjo ‘Foltore’, Lulzim Basha ka qenë i palëkundur në vendimin e tij, duke thënë se se Berisha ka plan të shndërrojë PD në një bunker antiamerikan për interesat e tij dhe se nuk do e lejojë.
Një nga demokratët është shprehur se ata që sot janë në PD nuk janë demokrat që e duan këtë parti me shpirt. Nga ‘Foltorja’ e Sali Berishës në Peshkopi, ai ka drejtuar gishtin nga Gazment Bardhi, që sot është numri 2 i PD-së.
"Jam një demokrat nga ata më historik, mund të më njohin në protesta, ne laheshim me gjak nga gazi lotjsellës, Gazment Bardhi ikte pas fuqie se më ndiqte mua, këto demokratë janë përgjakur”, tha demokrati.
Për gjendjen e PD në këtë moment, një nga demokratët e ka fajësuar vetë Sali Berishën, pasi e bën përgjegjës që solli Lulzim Bashën në krye të PD-së.
Demokrati: 2 persona ju kanë një detyrim shqiptarëve, i pari Fatos Nano që në solli të paudhin në krye të vendit dhe nuk ka lënë gjë pa i bërë Shqipërisë, i dyti jeni ju që na sollët në krye të PD atë që e shkatërroi PD, dhe e vdiq PD-në. Ai nuk shkatërroi demokracinë se është Sali Berisha.
Berisha: Kam kërkuar ndjesë dhe kërkoj, për faktin se në 2017 kur unë i kërkova që të japë dorëheqjen dhe më tha jo, vendimi më i drejtë do ishte të dilja në fushë.
“Unë nuk kam folur dhe jam akuzuar se pse nuk flas, edhe pse vij nga fisi i fjalës, qoftë nga Basha, qoftë nga Hoti (nëna)”, kjo deklaratë e Lulzim Bashës dje në mbledhjen me grupin parlamentar, është risjellë në Foltoren në Peshkpoli, ku Sali Berisha është tallur me këtë shprehje të tij. Ai ka treguar një bisedë që ka bërë me Bashën para 2 muajsh, ku thotë se Basha është nga ata hotjanë që nuk është as i besës e as i penës.
“Pastaj del e thotë se jam dhe Bashë, jam dhe Hot. Prisni. Para dy muajsh bëjmë një muhabet me të. Edhe i them “Lul mos i përziej në këtë punë, unë nuk i kam kërkuar ndihmë askujt. Nuk i kërkoj askujt ndihmë e kam çuar në gjykatë”.
Edhe i them “hotianët kanë pasur një fjalë”.
“Çfarë?” tha. “Ndihma e Zotit, pushka e Hotit”.
“Çfarë do të thotë”, tha.
I them, “Kjo do të thotë ndihma e Zotit, penda ime”.
Ky thotë jam edhe kështu. Problemi është këtu, se edhe Basht edhe Hoti kanë pasur burra të penës dhe të pushkës, burra të betejave dhe fitimtarë, por ti zotëri nuk numëron asnjë gjë tjetër veçse humbje, humbje dhe beteja të dorëzuara.
Kjo është e vërteta. Për të mos e thënë atë tjetrën pastaj se si tek Basht edhe tek Hoti edhe tek çdo fis, besëpreri është…, e dini vetë, nuk po flas”, tha Berisha.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Moti i keq në Dibër/ Vërshimi i ujërave dhe rrëshqitje dherash në Bypass-in e ‘Rrugës së Arbrit’, qarkullim me vështirësi i mjeteve
22 Nëntor, 19:56 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
S'do mend qe nuk do ti shkoje e harroi Xhelal Miu(Mziu) se tere pasuria i erdhi nga Sali Berisha
Përgjigjunormal qe si shkon xhelal katunari se u ba miljarder me salen dhe tani nuk i shko as takim mosmirnjohsi … kfash me dy sy … e mori nga pabuks e bani miljarder …. skuthi i leq
Përgjigju