POP 5

Lajmet më të lexuara të 5 minutave të fundit

Politikë

Berisha: Protesta e parlamentit duhet të jetë e gatshme në çdo kohë! Kuvendi s’mund të funksionojë si klub i Ramës

 

Sali Berisha vijon t’i vërë theksin protestës së 11 shkurtit ndërsa thekson se protesta duhet të jetë e gatshme në çdo moment. Ndër të tjera shprehet se Kuvendi s’do funksionojë si klub i Edi Ramës. Kështu paralajmëroi se protestat nuk do të ndalen më 11 shkurt por do të vijojnë. 

“Më 11 shkurt, Tirana duhet të derdhet e tëra në shesh. Shqipëria të vërshojë drejt Tiranës, por ne jemi në revoltë e në protestë. Ky është revolucion. Shqiptarët duhet ta dinë se parlamenti shqiptar është sot më i shëmtuar se kurrë. Ne jemi të vendosur të mos e braktisim kurrë por ne jemi të vendosur për protesta të fuqishme para parlamentit.  Nuk mund të pranojnë të zgjedhurit e popullit t’i shtypen të drejtat e tyre se po pranuan këtë, pranojnë shtypjen e të gjithë qytetarëve. Ata sillen si një bandë, bllokojnë komisionet tona hetimore çka nuk ndodh në asnjë parlament të botës. Deputetët tanë, ne jemi të vendosur, bllokimit të tyre t’i përgjigjemi me një qëndresë dhe të pamposhtur në parlament por veçanërisht degët e Tiranës duhet ta kenë të qartë se protesta e parlamentit duhet të jetë e gatshme në çdo kohë se parlamenti s’mund të funksionojë si klub i Edi Ramës”, tha Berisha.


Lajmi kryesor:

Porosia e Berishës për krerët e degëve të Rithemelimit: Organizohuni për protesta dhe revolta para dhe pas 11 shkurtit! Largimi i Ramës, i domosdoshëm
/r.k./Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03