Berisha: Rama ka 10% më shumë pushtet se Enver Hoxha! Shqiptarët largohen sepse 90% e fondeve të punëve publike, vidhen nga zyrtarët

Berisha: Rama ka 10% më shumë pushtet se Enver Hoxha! Shqiptarët largohen sepse 90% e fondeve të punëve publike, vidhen nga zyrtarët

Sali Berisha

Nga Kamza, kreu i Rithemelimit, Sali Berisha ka akuzuar kryeministrin Edi Rama se ka grumbulluar në duart e tij 10% më shumë pushtet se vetë diktaktori komunist, Enver Hoxha. Gjatë një takimi me simpatizantët demokratë para të cilëve prezantoi Arjan Hoxhën si kandidat për bashkinë e Kamzës në zgjedhjet lokale të 14 majit, Berisha e konsideroi këto zgjedhje si më të rëndësishmet në vend që nga viti 1992.

“Sot kjo betejë është një betejë më e rëndësishmja e zhvilluar në Shqipëri që nga viti 1992. Në vitin 1992 ne së bashku përmbysëm monizmin stalinist 45-vjeçar. Monizëm që u krijoi shqiptarëve dhe Shqipërisë katastrofën më të madhe politike, sociale dhe ekonomike. Por sot përsëri pas 32 vitesh, Edi Rama ka përqendruar në duart e tij, 10% më shumë pushtet seç kishte diktatori komunist në vitin 1992”- u shpreh Berisha.

Duke ripërsëritur largimet e qytetarëve nga vendit, Berisha tha se një e treta e shqiptarëve kanë zgjedhur rrugën e emigrimit gjatë 8 viteve të fundit, duke qenë se nuk arrijnë të ndërtojnë dot të ardhmen e tyre në Shqipëri.

“Kamza, Tirana, Shqipëria sot ka humbur gjatë këtyre 8 viteve mbi 1 mln banorë, ka humbur 35%, 1/3 e popullatës. Të gjithë ne së bashku jemi 1/3 më pak, se njerëzit tanë janë larguar, largohen nga ky vend për arsye se nuk ndërtojnë jetën e tyre. Tirana, Kamza, Shqipëria largohen dhe pakësohen qytetarët e tyre, sepse ata vidhen, vidhen dhe vetëm vidhen”- shtoi kreu i Rithemelimit.

Ai theksoi se për çdo punë publike të bërë në vend, qeveritarët qëndrorë dhe vendorë, përvetësojnë 80 deri në 90% të fondeve publike dhe kjo është një prej arsyeve përse shqiptarët largohen nga vendit.

“Këta qeveritarë qëndrorë dhe vendorë vjedhin 80-90% të fiondeve në çdo punë publike,. Ndaj edhe borxhi rritet dhe shqiptarët vetëm largohen çdo ditë e më shumë nga Shqipëria”-nënvizoi ai.

Ndërkohë që Berisha vijon takimet me simpatizantët demokratë në qytete të ndryshme, Alibeaj tha se ditën e nesërme do të merret një vendim përfundimtar lidhur me mënyrën sesi PD do të zgjedhë të garojë në zgjedhjet vendore të 14 majit. 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • aleksadros: 25/03/2023 06:37

    largohen se ti moster i prishe te gjitha fabrikat e uzinat shkatrrove gjithe cka ti je shkaktari asnje tjeter

    Përgjigju
  • Sondazhi i ditës:

    A duhet ti jepet Bashës një shans tjetër për të drejtuar PD-në?



×

Lajmi i fundit

Tensionet në veri të Kosovës, KFOR heq një pjesë të telave me gjemba rreth komunës së Zveçanit

Tensionet në veri të Kosovës, KFOR heq një pjesë të telave me gjemba rreth komunës së Zveçanit