Berisha: Regjimi i Ramës përmbyset me forcë konservatore të qendrës së djathtë! PD ishte kthyer në OJF të majtë, u largua nga shtyllat e saj kryesore

Për Sali Berishën kthimi në pushtet i Partisë Demokratike do të realizohet vetëm përmes parimit të transparencës, përgjegjshmërisë, pronarët dhe mbrojtjes së interesit kombëtar. 

Gjatë konferencës “Konservatorizmi i të djathtës”, Berisha tha se pas rrëzimit nga pushteti, PD u kthye në një OJF, ndërsa tashmë ka ardhur koha të kthehet tek parimet me të cilat rrëzoi komunizmin në vitin 1991.

“Ne bëjmë analiza dhe kjo është normale që i bazojmë në fakte dhe procese, por nuk duhet të largohemi kurrë nga analiza filozofike, përndryshe nuk do mund të japim përgjigjen e merituar. Si ka mundësi që një vend, i cili deri në vitin 2014, kishte rritje progresive të popullatës, kurse nga 2014-a deri sot, ka humbur një të tretën e popullatës. Ka humbur më shumë se një gjeneratë. Si ka mundësi që një vend që në vitin 2008, arriti të kalojë në grupin e vendeve me të ardhura të mesme të larta, sot zvarritet i fundit në Ballkan dhe Europë për të gjitha këto. Ka vetëm një shpjegim: largimi me shpejtësi nga qeverisja që erdhi nga parimet e një qeverisje transparente, të përgjegjshme. Por ne nuk jemi këtu për të analizuar qeveritë, por për të analizuar opozitën. PD ishte shndërruar në një OJF të majtë, as forcë politike. U largua nga shtyllat e saj kryesore, u largua nga asaj, të cilëve kjo parti u detyron mbijetesën. Është e vërtetë që jemi një parti 32-vjeçare, por trashëgimia jonë është qëndresa e burrave dhe grave që ranë dhe u bënë të pavdekshëm për lirinë e mendimit, për besimin te zoti, për besimin te familja.'- u shpreh Berisha.

Ish-kryeministri Sali Berisha u shpreh se PD u largua nga pronarët, por që me Rithemelimin e PD-së, u vendosën normat më të mira për kompensimin e pronarëve. Berisha u shpreh se një forcë politike që nuk mbron interesin kombëtar, është një fatkeqësi dhe nuk duhet të ekzistojë

'PD u largua nga pronarët, unë nuk them se i dhamë përgjigjen më të shkëlqyer, por ne vendosëm normat më të mira për kompensimin e pronarëve. Gjithçka u shkatërrua edhe me miratimin në heshtje të PD. Rivendosja e këtyre parimeve është kushti i kushteve që ne të përmbushim misionin tonë. Vetëm një forcë konservatore e qendrës së djathtë mund të përmbysë këtë monizëm, i cili në klasifikimet doktrinale, vlerësohet si monokraci. Bazohet në krimin, vjedhjen, drogën. Njerëzit pyesin se si do i japim zgjidhje kësaj situate. Por ne kemi parimet tona. Unë nuk di asnjë rrugë tjetër përveç vendosjes në piedestal të atyre parimeve me të cilat Shqipëria ndryshoi 21 herë, me të cilat Shqipëria arriti të bëhej vend i besueshëm për shqiptarët, arriti që të ketë shtet ligjor dhe ekonomi tregu funksionale. Një forcë që nuk mbron interesin kombëtar, është një fatkeqësi dhe nuk duhet të ekzistojë", tha Berisha.

/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jeton Edepsëz Fadil Gjoleka: 22/03/2023 18:13

    O sali bajga akoma të gënjen mëndja ty mor qen i zgjebosur se mund të vish në pushtet. Ti e ke vjedhur ktë popull e ke vrar, e ke syrgjynosur në të gjith Botën e tani do vot prap mor monstra malok flliqsir.

    Përgjigju
  • aleksadros: 22/03/2023 15:07

    Dakorte ta perbysim po jo me ty o plere qe i ke duarte te lara me gjake cfare nuke e dime kushe je e c'fare ke dhene pere kete vende vetem lote e dhimbje oo sali plaku

    Përgjigju
  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Mori autograf nga Nedim Bajrami, tifozi për Report Tv: S’e laj më bluzën

Mori autograf nga Nedim Bajrami, tifozi për Report Tv: S’e laj më bluzën