POP 5

Lajmet më të lexuara të 5 minutave të fundit

Sport

Berisha rrezikon kombëtaren
Armir Abrashi thyen hundën

Berisha është në dyshim për dy ndeshjet e fundit eliminatore që Shqipëria do të zhvillojë përballë ekipit të Zvicrës dhe Qipros, pasi ka pësuar një tërheqje muskulore.
Portieri i ekipit kombëtar të futbollit, Etrit Berisha është në dyshim për dy ndeshjet e fundit eliminatore që Shqipëria do të zhvillojë përballë ekipit të Zvicrës dhe Qipros në muajin tetor. Kosovari me pasaportë shqiptare ka pësuar një dëmtim duke kaluar në infermerinë e ekipit të Lacios. Sipas mjekëve, Berisha ka pësuar një tërheqje muskulore, ç’ka mund ta mbajë larg fushës për një kohë relativisht të gjatë. Petkovic sipas të dhënave të para nuk do ta ketë në dispozicion për disa ndeshje shqiptarin, por vendin e tij te Lacio do ta marrë një tjetër shqiptar.

Tomas Strakosha është automatikisht portieri i dytë te italianët pas dëmtimit të Berishës. Ndërsa vendin e tij në ekipin kombëtar do ta zërë Ujkani nëse nuk arrin të rikuperohet në kohë. Dëmtimet vazhdojnë të penalizojnë lojtarët shqiptarë në kampionatet Evropiane. Futbollisti i radhës që është dëmtuar pas Etrit Berishës është Amir Abrashi. Shqiptari që luan në kampionatin zviceran i lakuar shumë ditët e fundit për një kalim te Lacio apo Bayern Leverkuseni pas interesimit të këtyre të fundit ka marrë një dëmtim të rëndë në pjesën e hundës, që do ta detyrojë që ndeshjet e radhës në kampionat me Grasshoperin ti luajë me maskë.

Futbollisti ka thyer hundën dhe duhet të luajë me maskë. Shqiptari u dëmtua  gjatë një dyluftimi me mbrojtësin Mishel Lang në ndeshjen e fundit në kampionat. Megjithatë edhe mos grumbullimi për ndeshjet e kombëtares nuk do të përbënte ndonjë shqetësim të madh për De Biasin, pasi fati i Shqipërisë për këto dy ndeshje eliminatore tashmë është përcaktuar pas humbjes që mori në Islandë dhe në Slloveni duke dalë jashtë garës për një vend në Brazil në 2014. Në dy ndeshjet e mbetura të edicionit trajneri italiani do të fokusohet më shumë te mundësia për afirmimin e futbollistëve të rinj, por pa harruar edhe kontratën e re me Kombëtaren.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

15 Janar, 20:26