POP 5

Lajmet më të lexuara të 5 minutave të fundit

Ekonomi

Berisha rrit pagat me borxh, nga
janari u morën hua 1.7 mld euro

Ministria e Financave ka shpallur disa ankande letrash me vlerë, që e tejkalojnë tri herë sasinë që mendohej të merrej në korrik si borxh i brendshëm. Ky ishte rezultati i ultimatumit të Berishës që kërkoi me çdo kusht rritje të pagave e pensioneve.
TIRANE - Ministria e Financave ka shpallur ankandin e rradhës për bono thesari me afat 12-mujor dhe 6-mujor maturimi, në total 25.4 miliardë lekë të reja. Ky ankand do të zhvillohet ditën e martë, më 9 korrik, në mjediset e Bankës së Shqipërisë, ku do të shiten përkatësisht 16.4 miliardë lekë bono 6-mujore dhe 9 miliardë bono me afat njëvjeçar maturimi. Kjo praktikë është e zakonshme në të gjithë muajt e vitit, por kurrsesi në periudhën, gjatë së cilës qeveria konsiderohet si “qeveri në detyrë”.

Kjo është koha, kur Ekzekutivi pezullon pjesën më të madhe të veprimeve me arkën, duke kryer vetëm ato më të domosdoshmet, për paga, pensione dhe fatura ndërkombëtare. Në fakt, edhe vetë ministria e Financave kishte planifikuar për dy muajt e tranzicionit 11 miliardë lekë bono 12-mujore për korrikun dhe 15 miliardë të tilla për gushtin, në pritje të marrjes së detyrës nga qeveria e re. Kjo është e evidentuar në faqen zyrtare të Drejtorisë së përgjithshme të Menaxhimit të Borxhit.

Bonot e thesarit
(Në foto: Të dhënat e bonove të thesarit që do nxirren në shitje nga qeveria)

Por, që me ankandin e 9 korrikut shifra shkon në 25.4 miliardë lekë. Për më tepër, më 3 korrik është zhvilluar edhe një ankand tjetër nga ky dikaster, ku janë shitur 5 miliardë lekë obligacione me afat më të gjatë, trevjeçar maturimi. Në total, deri më datë 9 korrik, qeveria është përgatitur të thithë në formën e borxhit të brenshëm një sasi prej 30.4 miliardë lekësh, nga 11 miliardë të planifikuara, ose 217 milionë euro.
 
obligacionet
(Në foto: Të dhënat e obligacioneve që do nxirren në shitje nga qeveria)

VENDIMI

Pas këtij ndryshimi të qendrimit të ministrisë duket qartë se ka qenë vendimi politik – populist – i vetë kryeministrit në largim Sali Berisha, i cili, pa përfillur mendimet e specialistëve të financave publike dhe zërin e ministrit të tij Ridvan Bode, që janë ankuar për gjendjen e keqe të arkës së shtetit, ka urdhëruar zbatimin që në korrik të rritjes së planifikuar të pagave e pensioneve. Efekti në buxhet për muajt e mbetur është 2.5 miliardë lekë, por kërkesat e qeverisë nuk kufizohen vetëm këtu, pasi shumë punë kanë mbetur përgjysëm dhe ndërkohë të ardhurat sa vijnë e pakësohen, duke rrezikuar edhe pagat e pensionet në nivelin aktual.

Shkrimi u botua sot në gazetën Shqiptarja.com (print) 05.07.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Penguan qarkullimin e makinave gjatë tubimit para Bashkisë, procedohen penalisht 7 protestues! Policia: Vendosën një automjet në mes të rrugës

Penguan qarkullimin e makinave gjatë tubimit para Bashkisë, procedohen penalisht 7 protestues! Policia: Vendosën një automjet në mes të rrugës

11 Janar, 13:37