Besart Berisha vendos derbin e Melbournit në kampionatin australian të futbollit. Kosovari realizoi një tregolësh në ndeshjen e fituar me rezultatin e thellë 5-2 nga Melbourne Victory përballë rivalëve të qytetit Melbourne City skuadër tek e cila luan David Villa.

Pas ndeshjes kosovari u shpreh shumë i lumtur për mediat duke theksuar se “Ishte një ndeshje nga ato që nuk do të harrohen lehtë, duke mbetur gjatë në memorien time. Tre gola është shumë ëvshtirë që t’i shënosh, ndihem me fat dhe falënderoj të gjithë ekipin për mbështetjen” tha ai.