'Non Grata'/ Berisha tha se do hedhë në gjyq sekretarin Blinken për shpifje, reagimi i parë i SHBA: S'jemi në dijeni të ndonjë padie gjyqësore

Në përgjigje të deklaratës së ish-kryeministrit Sali Berisha për të ngritur padi ndaj Sekretarit amerikan të Shtetit, Antony Blinken për shpifje, një zëdhënës i Departamentit të Shtetit i tha Zërit të Amerikës se "nuk janë në dijeni të ndonjë padie gjyqësore".

Pas vendimit të SHBA e cila e futi në “listën e zezë”, Sali Berisha ka shpërthyer me akuza kundër aleatit më të rëndësishëm të Kombit Shqiptar dhe tha se do të hedhë në gjyq numrin 3 të administratës, për shpifje, përmes avokatit francez Jean-Yves Le Borgne, një ndër më të kushtueshmit dhe këtë padi e ka ngritur në gjykatën Korreksionale të Parisit, pasi Berisha e cilësoi Francën si një vend neutral në lidhje me këtë çështje.

Akuzat e DASH ndaj tij për akte korruptive dhe se ka minuar demokracinë, Berisha tha se janë të montuara politikisht në Tiranë në zyrën e Edi Ramës.Gjatë konferencës për shtyp bëri të ditur se nuk do të largohet nga politika dhe nuk e jep dorëheqjen nga mandati i marrë në zgjedhjet e 25 prillit, duke lënë të kuptohet se do të jetë në Kuvend në shtator.

Megjithatë Berisha tha se ky vendim i DASH nuk duhet të ndikojë në marrëdhëniet mes PD dhe Ambasadës Amerikane në vendin tone. Kjo padi e Berishës ndaj SHBA, erdhi pasishba-sali-berisha-dhe-familja-e-tij-ne-listen-e-zeze-minoi-demokracine-ne-shqiperi?r=kh1" style="color:blue; text-decoration:underline"> DASH e shpalli 'non grata' Berishën dhe familjen e tij, pasi e akuzon si të përfshirë në “veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij”.

TAG:
• SHBA
• sali berisha
• Antony Blinken
• Berisha ne listen e zeze te SHBA