Berisha thyen rekordin me veten
në not: Ogur i mirë për 2013

Kryeministri Berisha vendosi sot një rekord të ri noti me 141 minuta not në ujërat e detit Jon në Dhërmi, duke lënë kështu pas rekordin që kishte shënuar një vit më parë, me 132 minuta.

Edhe këtë vit, kryeministri Berisha ka zgjedhur bregdetin e Dhërmiut për të kaluar një fundjavë pushimi me mbesat e nipërti e tij.

Kryeministri notoi nga ora 9:10 e përfundoi në orën 11:31 minuta, ndërsa tha se në gusht mund të shënojë një tjetër rekord të ri.

“Zëri i detit Jon më tha se ky rekord i ri personal është një ogur i bardhë për fitoren e merituar të zgjedhjeve të 2013-ës”, lexohet në njoftimin që zëdhënësja e kryeministrit ofroi për mediat.

Pushimi në Dhërmi dhe vendosja e rekordeve të reja në not, janë kthyer në një ritual thuajse të përvitshëm për Kryeministrin Berisha.
(gm/Shqiptarja.com)