Mediat e familjes Berisha dhe Meta kanë ndryshuar strategji.
Pasi bombarduan opinionin me alarmin se do të vdisnin nëse merrnin vaksinat e AstraZeneca dhe ato kineze, tani kanë ndryshuar strategji.
Sipas tyre, ata që shkojnë në sheshin “Skënderbej” për t’u vaksinuar rrezikojnë të marrin virusin, për shkak se ka shumë njerëz.
![](https://shqiptarja.com/template/img/NO_ALFA_Kuadrate shqiptarja.png)
“Në mes të diellit të fortë pranveror po kryhet vaksinimi i të moshuarve me vaksinën e dyshimtë kineze.
Të moshuarit janë mbledhur grumbull përpara çadrave ku po bëhet vaksinimi elektoral.
Duket se këto çadra po shërbejnë më shumë si vatra për të shpërndarë virusin, ndërsa plani i vaksinimit duket se është thjesht një kaos electoral”, shkruan portal i familjes Berisha.
Ndërsa gazeta e Nikoll Lesit shkruan:
“Mania për të treguar me mediat pranë qeverisë se sa shumë njerëz janë në radhë për të marrë vaksinën antiCovid po nxjerr diçka tjetër në pah; grumbullime masive duke mos respektuar distancat e ku fare mirë merr virusin, akoma pa e luftuar atë.
E gjitha kjo me regji të Rilindjes për të krijuar përceptimin publik se qeveria po bën namin me luftën kundër Covid-19. Ndërkohë që siç tha dje Ylli Manjani se vaksinat nga Perëndimi i bënë për vete pushtetarët, kurse popullit të thjeshtë i rrasin vaksina kineze, të cilat nuk janë çertifikuar nga BE apo SHBA.
Mjafton të shkruhet në shishet “vaksina anti Covid” dhe thuhet se sheron!
Natyrisht që qeverisë i intereson vaksina elektorale, pasi kur të humb me 25 prill as që do merret më me këtë punë. Por tani krijojnë me mediat e tyre idenë sikur bëjnë namin, ndërkohë që pas dy muajve do kuptohet afekti i kësaj vaksine që nuk e çertifikon Perëndimi”.
Është interesant fakti i shqetësimit për ata që shkojnë të vaksinohen, ndërkohë që nuk thanë asnjë fjalë për mijëra militantët e PD-së që u mblodhën bashkë tek sheshi “Nënë Tereza” për nisjen e fushatës.
I vetmi shqetësim i tyre në fakt, është vaksinimi.
Kërkojnë me patjetër që ky process të ndalet, pasi kështu mendojnë se përfiton politikisht Edi Rama./ Gazeta"Tema"
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)