Berlini: Kushtetuesja kusht i Bundestagut, të gjithë të marrin përgjegjësitë

Pas SHBA-së dhe BE-së edhe ambasada gjermane në Tiranë ka përshëndetur vendimin e parlamentit për të votuar dy anëtarët e rinj të Gjykatës Kushtetuese. Ambasadori Zingraf kujton se krijimi i gjykates Kushtetuese eshte kusht i Bundestagut, ndërsa ka dërguar një mesazh edhe Presidentit në deklaratën e shpërndarë për mediat kur thotë se të gjithë aktorët të marrin përgjegjësitë e tyre në emërimin e gjykatësve kushtetues dhe të mos humbin fokusin.

"Në rrugën drejt një Gjykate Kushtetuese funksionale është e rëndësishme, që të gjithë aktorët të marrin përgjegjësitë e tyre në emërimin e gjykatësve kushtetues dhe të mos humbin fokusin. Ne përshëndesim vendimin e sotëm të parlamentit shqiptar. Bundestag-u Gjerman e ka theksuar në vendimin e tij të datës 26 shtator 2019 se sa e rëndësishme është rivendosja në funksionalitet e Gjykatës Kushtetuese edhe për procesin e përafrimit të Shqipërisë me BE-në. Gjermania do të vazhdojë ta mbështesë Shqipërinë në përforcimin e drejtësisë dhe shtetit ligjor“ thuhet në deklaratën e ambasadës gjermane.

Lajmi kryesor:

SHBA-BE: Zgjedhja e dy anëtarëve të Kushtetueses çon Shqipërinë përpara, gjykata të krijohet sa më shpejt

TAG:
• gjykata kushtetuese
• ambasada e shba
• fiona papajorgji
• Arta Vorpsi