Kohët e fundit ishte folur shumë për lidhjen e këngëtarit Bertan Asllani me këngëtaren maqedonase Tamara Todevska. Por këngëtari shqiptar nga Maqedonia përgënjeshtroi këto shkrime duke thënë se mes tij dhe Tamarës ekziston vetëm shoqëri.
“Mes meje dhe Tamarës përveç shoqërisë nuk ekziston asgjë tjetër. Ne kohë të gjatë jemi në bashkëpunim dhe gjatë viteve kemi krijuar shoqëri mjaft të mirë. Thjesht jemi duke punuar me Tamarën në projekte të reja, kjo është e tëra”, ka thënë Bertan Asllani .
Ai zbuloi ndër të tjera se është duke punuar me albumin e tij në gjuhën turke, por duke mos anashkaluar gjithashtu edhe projektet për këngët në gjuhën shqipe.