POP 5

Lajmet më të lexuara të 5 minutave të fundit

Ekonomi

BERZH, Rama e Thaçi ftojnë
investorët në Shqipëri e Kosovë

Në konferencën për investimet në rajonin e Ballkanit Perëndimor që u organizua nga BERZH në Londër, kryeministri Rama fton bizneset e huaja të investojnë në Shqipëri. Rama tha se modelit të vjetër ekonomik i ka kaluar koha. Edhe kryeministri i Kosovës Hashim Thaçi ka ftuar sipërmarrësit të investojnë në Kosovë.
Fjalimi i plotë i Edi Ramës në BERZH
BERZH, Rama e Thaçi ftojnë<br />investorët në Shqipëri e Kosovë
LONDER- Në konferencën për investimet në rajonin e Ballkanit Perëndimor që organizohet nga Banka Europiane për Rindërtim dhe Zhvillim (BERZH) në Londër, kryeministri Rama ftoi investitorët e huaj, për të investuar në Shqipëri. Edhe kryeministri i Kosovës Hashim Thaçi ka ftuar sipërmarrësit të investojnë në Kosovë.

Rama tha se “modelit të vjetër ekonomik i ka kaluar koha dhe problemet e shkuara jo vetëm nuk do të ndodhin më por se ne jemi duke u përpjekur në strukturimin e ligjeve të nevojshme për të mos e lejuar më ngjalljen e problematikave".

Kreu i qeverisë shqiptare siguroi gjithashtu se “profili ekonomik i vendit për 20 vitet e ardhshme, ka nisur tashmë dhe se “hapi i parë ndaj kësaj faqeje të re është hapja ndaj biznesit të huaj dhe atij në vend.”

Kryeministri foli gjithashtu edhe për ekonominë e rajonit të Ballkanit për të cilën shprehu bindjen se nuk duhet të ketë kufij ekonomikë midis vendeve.

Sipas Ramës: “Kufinjtë nuk duhet të na ndajnë por përkundrazi, duhet të jemi të ndërgjegjshëm për krijimin e një tregu rajonal të përbashkët”- u shpreh ai.

Kryeministri Edi Rama deklaron se çelësi për të ecur përpara është zhvillimi i potencialeve të Shqipërisë duke e parë këtë në terma afatgjatë. 

I pranishëm ishte dhe Kryeministri i Kosovës Hashim Thaçi.

THAÇI: INVESTIMET KOSOVARE, TË RËNDËSISHME DHE PËR RAJONIN
Vendi ynë ka potenciale të mëdha në energji, turizëm dhe miniera. Kemi përmbushur projekte të rëndësishme si ndërtimi i autostradës me Shqipërinë e aeroportit të Prishtinës dhe jemi në prag të fillimit të autostradës Kosovë-Maqedoni. Kosova ka pasur rritje të qëndrueshme ekonomike, GDP e vendit eshte 5%, pavarësisht krizës nëpër botë. Megjithatë jam i vetëdijshëm që ka ende shumë për të bërë.

Në fund të takimit, Kryministri firmosi me BERZH,njw marrëveshje për përmirësimin e klimës së bisnesit.

Qëllimi i këtij forumi është evidentimi i investimeve potenciale dhe mundësitë që ofrohen për biznesin dhe promovimi i sektorëve strategjikë në rajon. I pranishëm është edhe kryeministri i Kosovës, Bosnje Hercegovinës, Kroacisë, Malit të Zi, Maqedonisë  dhe Serbisë. 

Takimi drejtohet nga Presidenti i BERZH, Suma Chakrabarti dhe Komisioneri për Zgjerimin e BE-së, Stefan Fyle. 

Gjatë vitit 2013 BERZH ka investuar në 80 projekte të ndryshme në rajonin e Ballkanit Perëndimor, me një vlerë totale prej 1.2 miliardë euro.
vijon 

vijon

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEO/ Armando Broja luan 70 minuta me Everton, futet në fushë dhe bën protagonistin

VIDEO/ Armando Broja luan 70 minuta me Everton, futet në fushë dhe bën protagonistin

29 Nëntor, 18:19