POP 5

Lajmet më të lexuara të 5 minutave të fundit

Ekonomi

BERZH: Shqipëria, rënie 1.4%
INSTAT shifër 7 herë më të vogël

BERZH korrigjon me një ulje të ndjeshme shifrat e PBB-së shqiptare, nga ajo çka deklaroi INSTAT-i si rezultat për tre muajt e parë të këtij viti. Nga 0.2 për qind, rënia e ekonomisë vlerësohet nga evropianët në minus 1.4 për qind
BERZH: Shqipëria, rënie 1.4%<br />INSTAT shifër 7 herë më të vogël
Banka Evropiane për Rindërtim e Zhvillim ka korrigjuar dje vetveten, duke deklaruar se ecuria e ekonomisë shqiptare në tremujorin e parë të këtij viti ka qenë minus 1.4%, ndërkohë që më parë po ky institucion parashikonte një rritje në masën 0.4%. Por, kjo shifër ishte shumë më negative se sa ajo që është servirur së fundi nga INSTAT-i, sipas të cilit tkurrja e ekonomisë në tremujorin e parë ka qenë vetëm 0.2 për qind.
Këto konstatimet duket se konfirmohen tërësisht nga shifra të tjera, të publikuara dje nga Instituti i Statistikave lidhur me afarizmin e sektorëve. Pas me një vonesë të konsiderueshme, INSTAT bëri të njohura rezultatet, pasi janë bërë korrektimet me inflacionin. Të dhënat janë jashtëzakonisht negative, si përsa i përket xhiros, ashtu edhe lidhur me punësimin.

Kështu, shifra e afarizmit në volum, vlerësuar me çmime fikse, me vit bazë 2005=100, në tremujorin e parë 2012, krahasuar me tremujorin e parë 2011 ka rënie 11.2 për qind. Ndërkohë, numri i të punësuarve në Industri krahasuar me të njejtën periudhë të vitit të mëparshëm ka rënie 0.8 për qind dhe rënia e pagave është 3.2 për qind krahasuar me tremujorin e mëparshëm.
Shifra e afarizmit në Ndërtim, vijon njoftimi i INSTAT-it, është ulur 11.2 për qind krahasuar me të njëjtin tremujor të vitit paraardhës, ndërsa krahasuar me tremujorin e katërt

2011 është ulur 24.9 për qind. Volumi i prodhimit ndaj tremujorit paraardhës shënon rënie 22.6 për qind.
Në tregti, shifra e afarizmit krahasuar me tremujorin paraardhës ka rënie me 17.8 për qind. ndërkohë që është ulur 21.6 për qind krahasuar me tremujorin e katërt 2011 në hoteleri. Xhiroja në transportin hekurudhor ka shënuar ulje prej 57.6 përqindësh në tremujorin e parë 2012 krahasuar me tremujorin e parë 2011 ndërsa krahasuar me tremujorin paraardhës ky tregues është ulur 59.8 për qind. Në tranësportin detar ka ulje 19.6% nga një vit më parë dhe në sektorin e transportitt ajror kjo ulje është 2.5%.

Në një konferencë për shtyp, dje sekretari i PS për Programin Ilir Beqja deklaroi se ka një vonesë të patolerueshme në publikimin e statistikave, duke filluar nga Kuvendi, që e ka lënë vendin prej 205 ditësh pa një program zyrtar të tyre, që kërkohet nga ligji. Nga ana e tyre, Banka e Shqipërisë, ministria e Financave dhe INSTAT-i kanë vonesa në statistikat jetike për vendin, biznesin dhe organizmat e huaja, theksoi ai. Nga rezultatet e sipërcituara, duket se vonesat janë bërë me qëllime politike, duke qenë se ato janë tejet negative dhe bien në kundërshtim me euforinë e deklaratave qeveritare.
(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Operacioni i SPAK, masë arresti me burg edhe për ish-shefin e krimeve tek Komisariati nr.6 Dedan Gjoni, aktualisht në burg për sigurim kushtesh për vrasje

Operacioni i SPAK, masë arresti me burg edhe për ish-shefin e krimeve tek Komisariati nr.6 Dedan Gjoni, aktualisht në burg për sigurim kushtesh për vrasje

25 Nëntor, 15:46