19 shtetas të huaj u betuan përpara kryetarit të Bashkisë së Tiranës, Erion Veliaj, për besnikëri ndaj shtetit shqiptar dhe respektimin e Kushtetutës e të legjislacionit të Republikës së Shqipërisë. Gjatë ceremonisë së betimit, Veliaj tha se marrja e pasaportës është edhe një mundësi për të kontribuar në mbarëvajtjen e shoqërisë.
Duke iu referuar dhe ngjarjeve në Ukrainë, Veliaj nënvizoi se në momente të vështira, qytetarët duhet të jenë të gjithë bashkë, duke lënë pas diferencat dhe axhendat e tyre politike.
“E kam njohur Ukrainën edhe nga takimet që kam pasur me kolegun Klitchko e kolegë të tjerë të bashkive atje. Politika e tyre është pak si në Ballkan, të përçarë, me debate dhe përpjekje konstante për të penguar njëri-tjetrin. Por, pavarësisht dallimeve, diferencave, ambicieve, bërrylave, pavarësisht dëshirave që mund të kenë pasur në axhendat e tyre politike, nuk besoj se ka pasur një periudhë si kjo, kur të gjithë janë bashkuar si komb”, theksoi Veliaj.
Ndaj, tha ai, ky moment i marrjes së shtetësisë shqiptare, duhet trajtuar edhe si një ditë bashkimi në diversitet.
“Në ditë të mira, në demokraci është normale të biem dakord, që të mos biem dakord. Të kemi ambicie të ndryshme, karriera të ndryshme, bindje të ndryshme politike. Ama, ndonjëherë, të qënit shqiptar, siç të qënit ukrainas, mund të duhet vetëm për atë ditën e vështirë, ku na duhet të lëmë çdo diferencë tjetër, çdo bindje, çdo ambicie, çdo lakmi, çdo dëshirë që mund të kemi, apo aspirate, për t’u bashkuar vetëm tek një stemë, tek një logo, tek betimi që bëjmë sot, për t’i qëndruar besnik kësaj republike, këtij shteti dhe kombi. Do të doja ta trajtonim këtë ditë si një bashkim në diversitet”, deklaroi ai.
Veliaj apeloi për më shumë solidaritet në këto momente të vështira për të mbështetur me ndihma qytetarët e Ukrainës.
“Ne e provuam atë që ndodhi në Kosovë, e cila është shumë e ngjashme me atë që po ndodh sot në Ukrainë. Në kohë të vështira, problem janë njerëzit që rrinë indiferent, ata që nuk marrin një pozicion, që nuk zgjidhin hallet, që nga mania për të qenë mbi palët, duke qenë të heshtur, praktikisht janë bërë me agresorin. Do të doja që edhe në një strukturë civile, siç është kjo e jona, që nuk mund të japim ndihmë ushtarake, për sa kemi mundësi, të ndihmojmë me ndihma ushqimore, si me kamionët që po çojmë në Ukrainë, apo qoftë edhe me një vendim të Këshillit Bashkiak, për të marrë një qëndrim dhe për të mos qëndruar indiferent, kur jo shumë larg nesh po ndodh diçka e tmerrshme”, tha Veliaj.
Pas leximit të formulës, 19 shtetasit nga Kosova, Italia, Franca, Australia, Serbia, Greqia etj, nënshkruan edhe aktin e betimit.
Komente
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Tiranë/ Rikualifikohet zona e Thesarit, Veliaj inspekton punimet: Do ndërtojmë rrjet unazor, kemi përfunduar urbanizimin në 75 lagje!
18 Nëntor, 14:59 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
PD: Ministri i Drejtësisë të japë dorëjeqjen! Hetim pasuror Ulsi Manjës, aplikoi për ndërtimin e një kompleksi vilash në Farkë
16 Nëntor, 13:20 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Tiranë/ Analiza falas në ditën Botërore të Diabetit, nënkryetari i bashkisë Andi Seferi apel qytetarëve: Kontrollohuni dhe jetoni shëndetshëm
14 Nëntor, 14:54 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00
"Diversiteti" eshte fundi i kombit shqiptar dhe i kombeve autoktone kudo ne bote. Endrra me e madhe e Sorosit kjo eshte, edhe e Rames dhe Veliajt me sa duket.
Përgjigju