Në kuadër të Ditës Ndërkombëtare të Internetit të Sigurt, Raiffeisen Bank në bashkëpunim me Autoritetin Kombëtar për Certifikimin Elektronik dhe Sigurinë Kibernetike (AKCESK) prezantuan projektin “Orientimi dhe Edukimi i fëmijëve në përdorimin e internetit”. Më anë të këtij projekti u mundësua ndërtimi i këndit të sigurisë kibernetike #CyberCorner për vizitorët e bibliotekës “Hamit Beqja” në kryeqytet. CyberCorner do të jetë këndi, në të cilin fëmijët dhe të rinjtë, do të pajisen me njohuri të thelluara për përdorimin e internetit të sigurt, kodimin, luftimin e ekstremizmit të dhunshëm dhe shërbimet elektronike publike, nëpërmjet workshopeve që do të organizohen nga ekspertët e AKCESK. Për secilën nga këto tema janë hartuar module, si dhe janë instaluar pajisje kompjuterike dhe një sitekiosk, me të cilat mund të ndërveprohet gjatë qëndrimit në ambientet e bibliotekës.
Projekti synon rritjen e ndërgjegjësimit për sigurinë e fëmijëve në Internet dhe aftësimin e tyre për përdorimin e e-shërbimeve (shërbimeve elektronike). Komunikimet elektronike çdo ditë e më shumë po bëhen pjesë e rëndësishme e të gjitha zhvillimeve të shoqërisë mbarë botërore. Ndërtimi i besimit në mjedisin online, është çelësi për zhvillimin ekonomik dhe social, pasi mungesa e besimit, në veçanti për shkak të mungesës së perceptuar të sigurisë juridike, i bën konsumatorët të hezitojnë për të kryer transaksione në rrugë elektronike dhe të miratojnë shërbime të reja. Sektori bankar në veçanti mbështetet në mënyra të sigurta për sigurimin e identitetit të përdorueseve. Banka Raiffeisen si një bankë me numrin e klientëve më të madh në Shqipëri, është e angazhuar të garantojë identitetin dhe transaksionet elektronike të klientëve, të cilat nëpërmjet mjeteve të teknologjisë së informacionit janë duke u ofruar gjithnjë e më tepër elektronikisht.
Në ceremoninë e inaugurimit Drejtoresha e përgjithshme e AKCESK Znj. Vilma Tomço theksoi se: “Dita e Internetit të Sigurt na jep mundësinë unike për të promovuar sigurinë në internet, të frymëzojmë fëmijët dhe të rinjtë që të shfrytëzojnë entuziazmin dhe kreativitetin e tyre dhe t'i mbështesim ata për të ndërtuar përvoja pozitive në Internet. Është frymëzuese të shohësh kaq shumë organizata dhe individë të ndryshëm të mblidhen sot për të ndërtuar një internet më të mirë. Vetëm duke punuar së bashku Qeveria, industria, prindërit, shkollat dhe komunitetet mund të shfrytëzojnë fuqinë e Internetit pozitivisht, duke zvogëluar rreziqet që burojnë prej tij.”
Drejtoresha e PR dhe Marketing në Raiffeisen Bank Znj. Greta Lekaj theksoi bashkëpunimin me AKCESK, duke vlerësuar CyberCorner si një inovacion të fushës dhe shembull të përgjegjësisë sociale të organizatës, për një edukim cilësor të brezit të ri. “Ne do të vazhdojmë të mbështesim iniciativa të tilla, të cilat kontribuojnë në edukimin dhe zhvillimin e nxënësve sepse ne besojmë që ju jeni ardhmja, ju jeni ata që do të kontribuoni në zhvillimin e mëtejshëm të vendit”.
Lajme të tjera
-
Raiffeisen Invest lançon fondin e parë dhe të vetëm në treg ESG “Raiffeisen Solid”
25 Prill, 13:39 -
Siguria kibernetike, Tafa: Shqipërisë i mungojnë 170 ekspertë
20 Mars, 14:55 -
Raiffeisen Bank prezanton produktin e ri digjital RaiPos - Një hap para në tregun e pagesave të sigurta dhe efikase për bizneset Micro dhe SME
6 Dhjetor 2023, 16:02 -
Qendra operacionale, monitorim real rrezikut kibernetik! AKCESK me 25 punonjës, kapin sulmet në kohë reale para goditjeve
15 Shtator 2023, 16:24 -
Si u konfiskua një nga bibliotekat më të vjetra dhe më të pasura të Shqipërisë: Biblioteka e Tabakëve në Shkodër
27 Gusht 2023, 10:22
-
Maqedoni/ Studentja shqiptare merr inciativën e vyer, synon të hapë bibliotekën e parë në gjuhën shqipe në qytetin e Manastirit
17 Janar 2023, 14:04 -
Mes ndryshimeve të kohës, Posta Shqiptare mendon për të gjithë
15 Janar 2023, 15:25 -
Lotët për 11 shtatorin mes orizoreve, në luginën e lumit 'Po'
14 Janar 2023, 12:29
-
Raiffeisen Bank Shqipëri, banka e parë që instalon Panele Fotovoltaike për kursimin/prodhimin e energjisë! Pionere e zhvillimit të qëndrueshëm në vend
16 Dhjetor 2022, 16:10 -
Raiffeisen, edhe këtë vit prioritet për bankingun digjital
28 Prill 2022, 13:06 -
Raiffeisen Bank përuron ambientet e reja në degën kryesore në qytetin e Korçës
14 Janar 2022, 16:29 -
Raiffeisen Leasing 15 vite në tregun shqiptar
29 Qershor 2021, 17:01
