Biden braktis G20, shkak pjesëmarrja e Putin! Zbulohet se kush do ta zëvendësojë

Presidenti i SHBA-së, Joe Biden, nuk do të marrë pjesë në G20 virtual të Indisë ditën e nesërme (23 Nëntor), ku i pranishëm do të jetë edhe Presidebti rus, Vladimir Putin.

Në vend të tij do të jetë sekretarja amerikane e Thesarit, Yanet Yellen, siç ka konfirmuar për ANSA një burim i Shtëpisë së Bardhë, pa dhënë asnjë shpjegim.

Arsyetimi zyrtar duket se janë pushimet që presidenti do të kalojë nga sot deri të dielën me familjen e tij në Nantucket, Massachusetts, gjithashtu për të festuar ditëlindjen e tij të 81-të.

“Me Ditën e Falënderimeve afër, ne nuk jemi të sigurt nëse presidenti do të jetë në gjendje të marrë pjesë në samitin virtual", tha të hënën Eric Garcetti, ambasadori i SHBA në Nju Delhi, duke iu referuar festës së Ditës së Falenderimeve.

Por, duke qenë se nuk ka probleme logjike (komandanti i përgjithshëm mund të lidhet nga kudo në kushte të sigurta), për disa vëzhgues duket si një zgjedhje politike, një ‘shuplakë’ për presidentin për moslegjitimimin e tij për herë të parë në skenën ndërkombëtare pas pushtimit të Ukrainës.

Megjithatë, vendimi thyen frontin perëndimor, duke qenë se të pranishëm do të jenë të gjithë liderët e tjerë, përfshirë kryeministren italiane Giorgia Meloni, e cila do të lidhet nga Gjermania në kuadër të misionit të saj gjerman.

Kremlini, i vetëdijshëm për rastin, e di se është një fitore, një hakmarrje, një zhdoganim. Dhe ai tashmë ka njoftuar se Putini do të ilustrojë pozicionin e Rusisë për atë që ai e konsideron “një situatë thellësisht të paqëndrueshme botërore”.

S.S/Shqiptarja.com

TAG:
• Joe Biden
• vladimir putin