POP 5

Lajmet më të lexuara të 5 minutave të fundit

Kronikë

Bie ligji kundër KÇK-së në drejtësi, skadon afati për rrëzimin e dekretit të Metës

Mbetet në fuqi dekreti i Metës për rrëzimin e ndryshimeve në ligjin për statusin e gjyqtarëve dhe prokurorëve, Kuvendi nuk e rrëzoi brenda afatit, pezullimi dhe betimi i gjyqtarëve do bëhet si më parë

Bie ligji kundër KÇK-së në drejtësi, skadon afati për rrëzimin e dekretit të Metës

Bie përfundimisht ligji për goditjen e gjyqtarëve dhe prokurorëve KÇK (kap çfarë të kapësh) në drejtësi. Dekreti i Presidentit Ilir Meta, i cili hodhi poshtë ndryshimet e Kuvendit në ligjin për statusin e gjyqtarëve dhe prokurorëve, për të goditur magjistratët KÇK, nuk mund të rrëzohet më nga Parlamenti, për shkak të mbarimit të afatit të parashikuar në Rregulloren e Kuvendit.

Shumica parlamentare kishte 4 javë kohë për të miratuar apo rrëzuar dekretin e Metës për kthimin e ligjit. Kuvendi miratoi ndryshimet në ligjin për statusin e magjistratëve në datën 12 shkurt 2020. Ligji u depozitua në Presidencë për dekretim në datën 14 shkurt. Presidenti Meta, në datën 2 mars, vendosi rrëzimin e ligjit, me pretendimin se ligji bie ndesh me dispozitat kushtetuese dhe me jurisprudencën e Gjykatës Kushtetuese.

Në 3 mars, Presidenca ia përcjellë dekretin për rrëzimin e ligjit Kuvendit. Ndërkaq, pika 4 e nenit 86 të Rregullores së Kuvendit parashikon që “komisioni përgjegjës përgatit raportin për seancën plenare me propozimin për pranimin ose rrëzimin e dekretit të Presidentit brenda 4 javëve nga data e depozitimit të tij në Kuvend”. Ky afat ka skaduar. Shumica parlamentare nuk e shqyrtoi dekretin, pas një vendimi për të pritur një opinion të Komisionit të Venecias, për këtë ligj, sidomos për çështjen e betimit të gjyqtarëve të nivelit të lartë. Venecia e vonoi opinionin për shkak të pandemisë së Covid-19.

Më parë, Rregullorja e Kuvendit nuk ka pasur afat për shqyrtimin e dekretit të Presidentit nga Kuvendi. Por, ku ishte në pushtet ish-kryeministri Sali Berisha, krijoi një precedent, duke lënë pa shqyrtuar dekretet që nuk i pëlqenin të ish-presidentit Bamir Topi. Në këto kushte, socialistët vendosën një afat për shqyrtimin e dekreteve të Presidentit, duke e detyruar Kuvendin që të vepronte brenda 4 javësh. Ndërkaq, ligji i rënë parashikonte pezullimin nga detyra të gjyqtarëve dhe prokurorëve abuzivë brenda 6 ditëve si dhe i hiqte Presidentit nga duart ceremoninë e betimit të gjyqtarëve, si mjet bllokimi.

Data  e depozitimit te dekretit Metes 


 

Afati  i shqyrtimi dekretit sipas rregullores

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 17/04/2020 17:14

    A mbron kuvendi ligjet qe luftojne korrupsionin 30vjecar ne drejtesi ?

    Përgjigju
  • Dowja: 17/04/2020 16:09

    Normal vetem ligjet dem popullit miratojne pervete asnje llogjike

    Përgjigju
  • Faisbe: 17/04/2020 16:03

    Lojra te felliqura: E ka kush e ka/veç popullit kurrkush s'e ha! Dridhe Like,hidhe Edi! Mbaje Lyli,Haje Beni!

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49