TIRANE – Një aksident automobilistik i ka marrë jetën një dasmori ndërsa tre të tjerë kanë mbetur të plagosur kur natën e kaluar, rreth orës 03:00, një makinë më targa DR 14C2F ka dalë nga rruga në aksin Lekaj – Kavajë.

Shkak i aksidentit mendohet se ka qenë shpejtësia mbi normat e lejuara me të cilin po udhëtonte mjeti. Automjeti ka rënë në kanal dhe si pasojë humbi jetën Gentian Sinameta, 28 vjeç, ndërsa u plagosën Flora Hasa, Makbule Sinameta, Artur Hyra. Të plagosurit janë jashtë rrezikut për jetën.

Mësohet se në momentin e aksidentit dasmorët po ktheheshin nga një daëm në Peqin dhe po shkonin në fshatin Borazen të komunës Luz i Vogël.

(im/shqiptarja.com)