Bie numri i vrasjeve dhe krimeve të rënda në vend gjatë 2022, rriten shifrat e zyrtarëve të dënuar për korrupsion! Shkak hetimet intensive

Rritja e intensitetit të punës së SPAK në vitin 2022 duket se ka dhënë rezultatet e saj. Në raportin e publikuar nga Instituti i Statistikave Kombëtare, INSTAT, në vitin 2022 është shënuar një rritje me 44.8% më shumë hetime për vjedhje duke shpërdoruar detyrën apo korrupsion. E përkthyer në shifra rezulton se  97 hetime të tilla, kundrejt 67 të vitit 2021, apo 46 të viti 2020.

Sipas INSTAT, në vendin tonë gjatë vitit 2022 u shtuan hetimet për veprat penale të mashtrimit, dhunës në familje dhe krimeve seksuale, teksa ka pasur rënie të vrasjeve, krimeve në fushën e drogës, shkeljeve të qarkullimit rrugor apo krimeve kundër shëndetit.

Në vitin 2022, rezulton se janë regjistruar gjithsej 33.476 vepra penale, 4,8 % më pak se në vitin 2021, kur u regjistruan 35 175 veprave penale të kryera. Por gjithsesi në katër vitet e fundit numri më i vogël veprave penale u regjistruar në vitin e pandemisë COVID 19, 2020 me 32 736 të tilla.

Sa i takon vrasjeve, vitit 2022 ka numrin më të ulët të katër viteve të fundit me 42, kundrejt 61 të viti 2021 dhe 52 vitin e pandemisë 2020. Vjedhjet duket se janë në krye të listës me 2 661 të tilla përgjatë vitit 2022, një numër më i vogël se edhe ai i vitit 2020, kur numri vjedhjeve rezulton të ishte 3 909 dhe 3 508 në vitin 2021.

Gjatë vitit 2022 pati dhe rritje të krimeve seksuale, 169 të tilla, numri më i lartë i katër viteve të fundit. Në vitin 2021 u regjistruan 136 krime seksuale, 146 në vitin 2020 dhe 155 e 119 krime seksuale respektivisht në vitet 2019 dhe 2018.

E përkthyer në përqindje, rezulton që në vitin 2022 u regjistruan 31.1% më pak vraje me dashje se në vitin 2021. 24.1% më pak vjedhje, 16.2% më pak krime kundër shëndetit, 6.2% më pak krime në fushën e drogës dhe 2.9% më pak shkelje të qarkullimit rrugor. Në vitin 2022 mashtruesit u shtuan me 8.9%, dhunuesit në familje me 15.7%, krimet seksuale 24.3% dhe Vjedhje duke shpërdoruar detyrën u rritën me 44.8%

Në vitin 2022, janë regjistruar 38.198 autorë për vepër penale, 2,9 % më pak, krahasuar me vitin 2021. Numri i autorëve pa përsëritje 32.420 autorë, 9,3 % më pak, krahasuar me vitin 2021. Meshkujt përbëjnë 94,3 % të totalit të autorëve të veprave penale.  Veprat penale janë kryer kryesisht nga grupmoshe 30-44 vjeç, 36% e totalit. 26,7 % të grup-moshës 18-29 vjeç dhe 22 % i përkasin grup-moshës 45-59 vjeç.

Në vitin 2022, 40 % e personave të dëmtuar për krime kundër personit ishin femra dhe përqindja më e madhe e tyre vihet re në Krime seksuale dhe dhunës në familje.

Meshkujt përbëjnë 98,7 % të totalit të të burgosurve. Grup-mosha 21-29 vjeç ka numrin më të lartë të të burgosurve. Personat mbi 60 vjeç dhe nën 20 vjeç kanë numrin më të ulët të të burgosurve.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës