Bie qeveria në Francë, Barnier jep sot dorëheqjen! Le Pen: Emri i kryeministrit të ri këtë mbrëmje

FRANCË- Kryeministri francez Michel Barnier pritet të japë dorëheqjen sot pasi ligjvënësit e ekstremit të djathtë dhe të majtë votuan për rrëzimin e qeverisë së tij, duke e zhytur Francën në krizën e dytë të madhe politike në gjashtë muaj.

Barnier, një politikan veteran i cili më parë ishte negociatori i Bashkimit Evropian për Brexit, do të jetë kryeministri më jetëshkurtër në historinë moderne franceze. Asnjë qeveri franceze nuk e kishte humbur votën e besimit që nga ajo e Georges Pompidou në 1962. 

Me 331 vota pro në një mocion mosbesimi, mbrëmjen e 4 dhjetorit deputetët në Asamblenë Kombëtarë të Francës rrëzuan qeverinë e kryeministrit Michel Barnier, e cila zgjati vetëm 3 muaj. Presidenti Francës pritet t’i drejtohet sot kombit në një fjalim rreth orës 20:00. 

LEXO EDHE:
Udhëtarët bllokohen për 2 orë e gjysmë brenda tunelit nënujor që lidh Francën me Anglinë

Udhëheqësja e ekstremit të djathtë Le Pen tha se ishte duke pritur për "emrin e një kryeministri" gjatë fjalimit të Emmanuel Macron.

"Unë nuk e shoh votën e mosbesimit si një fitore. Ne kemi marrë një mandat mbrojtjeje nga votuesit tanë. Ky buxhet përfaqësonte një kërcënim për ta, një sulm ndaj punës së tyre”.

Macron kërkon të përshpejtojë emërimin e kryeministrit të ri për “të mos u shfaqur pa qeveri përballë Trump-it, i cili do të jetë në Paris për rihapjen e Notre-Dame”. Presidenti ka nisur konsultimet dhe ndër kandidatët kryesorë për postin e kryeministrit përmenden dy emra: ministri aktual i Mbrojtjes, Sébastien Lecornu, dhe lideri centrist François Bayrou.

E majta ekstreme dhe e djathta ekstreme ndëshkuan Barnier për miratimin e një buxheti të papëlqyer në një parlament të përçarë pa shumicë, pa votim. Buxheti i propozuar synonte kursime prej 60 miliardë eurosh (63.07 miliardë dollarë) për të reduktuar një deficit të madh.

Dorëheqja e Barnier do të përmbyllë javë të tëra tensionesh për buxhetin, për të cilin partia e ekstremit të djathtë, Rassemblement National e Marine Le Pen, tha se ishte shumë i ashpër për njerëzit e thjeshtë. Kjo gjithashtu dobëson më tej pozitat e Presidentit Emmanuel Macron, i cili e shkaktoi krizën aktuale me vendimin e gabuar për të thirrur zgjedhje të parakohshme para Lojërave Olimpike Verore në Paris.

Macron po përballet me thirrje në rritje për të dhënë dorëheqjen, por ai ka një mandat deri në vitin 2027 dhe nuk mund të detyrohet të largohet. Megjithatë, ngërçi i gjatë politik e ka lënë atë një figurë të dobësuar.

Kriza politike e Francës do të dobësojë më tej një Bashkim Evropian që tashmë po përballet me tronditjet nga shpërbërja e qeverisë koalicion në Gjermani, dhe vetëm disa javë përpara se Presidenti i zgjedhur i SHBA, Donald Trump, të kthehet në Shtëpinë e Bardhë.

TAG:
• marine le pen
• Michel Barnier
• Emmanuel Macron
• france

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1635

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq