TIRANË - Këtë javë Policia e Shtetit në bashkëpunim me Operatorin e Shpërndarjes së Energjisë Elektrike kanë evidentuar 30raste të vjedhjes së energjisë elektrike me 32 autorë, nga 4332 raste në të cilat janë kryer kontrolle.
 
Tetë persona kanë rënë në pranga, 10 të tjerë janë shpallur në kërkim dhe 14 procedohen në gjendje të lirë. Mes të arrestuarve është një elektricist dhe një përgjegjës filiali i OSHEE-së, si dhe është proceduar në gjendje të lirë drejtori rajonal i filialit të SHEE-së, për “Shpërdorim detyre”.
 
Po gjatë kësaj periudhe  janë ndërprerë 987 lidhje të abonentëve debitorë dhe 30 lidhje të paligjshme.
 
Gjithashtu janë kontrolluar 84 kabina elektrike dhe abonentët që furnizohen nga këto kabina.

Redaksia Online
(Gre.M/Shqiptarja.com)