POP 5

Lajmet më të lexuara të 5 minutave të fundit

Kronikë

Ndeshja Shqipëri-Çeki, shisnin bileta për 400 euro, në hetim 4 persona në Tiranë! Angazhohen numër rekord policësh

Një numër rekord policësh janë angazhuar pasi Shqipëria është në vëzhgim në ndeshjen me Çekinë sa i përket masave të sigurisë. Ministri i Brendshëm dhe krerët e policisë u takuan me presidentin dhe zyrtarët e FSHF ku thanë se nëse përsëriten incidentet e ndeshjes me Poloninë, rrezikojmë të luajmë me kufizime për tifozët në takimin e ardhshëm me Ishujt Faroe.  

Ndeshja Shqipëri-Çeki, shisnin bileta për 400 euro, në hetim 4 persona në Tiranë! Angazhohen numër rekord policësh

Një numër rekord efektivash të policisë janë angazhuar me planin e masave të sigurisë për ndeshjen mes Shqipërisë dhe Republikës Çeke në stadiumin “Air Albania” në Tiranë.

Ministria e Brendshme dhe krerët e policisë, në një takim me presidentin dhe zyrtarët e tjerë të FSHF paralajmëruan se shmangia e incidenteve në këtë ndeshje ka rëndësi parësore.

"Nëse hidhen tymyese apo sende të tjera rrezikojmë tifozët në ndeshjen me Ishujt Faroe"

Balla tha se hyrja në stadium do të nisë në 17.00 dhe do të zgjasë tri orë për ti dhënë policisë kohë në verifikimin e personave të dyshimtë, apo atyre që tentojnë të përdorin bileta false, por kishte një paralajmërim për ata që do tentojnë të futen me sende të pa lejuara në stadium.

"Kush tenton të futet me tymuese apo sende të tjera të ndaluara do të ndalohet dhe do të dërgohet në polici dhe nuk do lejohet më të futet në stadiume"

Pak orë para ndeshjes, policia e Tiranës njoftoi se ka proceduar në gjendje të lirë katër persona të moshave nga 22 deri në 35 vjeç, që reklamonin në rrjetet sociale dhe kishin krijuar një skemë mashtrimi për shitjen e biletave për ndeshjen Shqipëri-Çeki, me çmime që shkonin deri në 400 euro.

Masat e sigurisë për ndeshjen përfshijnë edhe kufizimin e qarkullimit në akset rreth stadiumit duke nisur nga ora 15.00. Policia paralajmëroi tifozët se janë të ndaluara flakadanët, tabelat me mbishkrime raciste, mbulimi i fytyrës dhe thyrja e stolave të stadiumit si dhe hyrja në fushë që dënohet me burgim deri 3 muaj.

Rrugët e  bllokuara
-Bulevardi “Dëshmorët e Kombit”, 20 m mbi urën e Dajtit;
-Rruga “Papa Gjon Pali II”;
-Rruga “Dervish Hima”, pranë ambasadës së SHBA-së;
Rruga “Asim Zeneli”, pranë ambasadës së SHBA-së”;
-Rruga “Themistokli Gërmenji”;
Rruga “Ismail Qemali”, te kryqëzimi i liceut;
Rruga “Mustafa Matohiti”, pranë shkollës “Kosova”;
Rruga “Jul Variboba”, pranë postës;
Rruga “Lekë Dukagjini”, pranë ish-Gardës së Republikës;
Rruga “Avdyl Frashëri”, pranë kryqëzimit të Librit Universitar.

  

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

Përmbytjet e Vlorës/ Qeveria dëmshpërblen 375 familje të prekura me mbi 61 mln lekë, shpërndahen dhe 355 pajisje elektro-shtëpiake

10 Janar, 18:15