Kombëtarja shqiptare e futbollit luan me Çekinë në 12 tetor në "Air Albania". Ndeshja e kualifikueseve për Euro 2024 luhet në 20:45 dhe është më shumë se e rëndësishme për fatet e kalimit në fazën finale të "Gjermani 2024".
Interesi për këtë duel ka qenë i lartë nga tifozët shqiptarë, me FSHF-në që njoftoi se biletat do shiteshin online. Tre ditë më parë (të premte), edhe pse posteri i ndeshjes u shfaq, serveri i faqes "ebileta.al" nuk funksiononte. Tifozët kanë hedhur dyshime për mënyrën sesi u tregtuar këto bileta, që atë mbrëmje u tha se u shitën për disa orë.
Në emisionin "Sot Live në Shqipëri" me gazetarin Nertil Agalliu, eksperti i IT-së, Tomi Kallanxhi tha se biletat mund të jenë shitur edhe për 10 minuta, ndërsa serveri nuk mund të mbante kërkesa aq të mëdha.
Më pas Kallanxhi u ndal edhe te tregu i zi, me biletat që janë tanimë me çmime disa fish të afishuara në faqe të ndryshme në internet. Veç saj, Kallanxhi tha se ka kompani të ndryshme dhe faqe që ndërhyjnë për të blerë sasi të mëdha biletash dhe më pas i shesin shtrejtë. Ai kujtoi se për finalen e Conference League të luajtur në Tiranë, një biletë në tregun e zi dhe konkretisht në faqen viagogo.com shkonte deri në 2700 euro.
"A mund të ndodhë që 300 mijë persona të jenë online? Edhe ka ndodhur, kjo nga optimizmi dhe fitorja e fundit e Kombëtares. Një fitore me çekët do na dërgonte në Berlin. FSHF thotë se ishin 300 mijë përdorues që kanë provuar për një biletë. Vetëm një në 10 përdorues ka blerë. Duhet të jenë shitur edhe për 30 minuta të gjitha biletat. Edhe me finalen e Conference League u shitën shpejt. Ti pret në radhë dhe ke vetëm 7-10 minuta për të bërë check-out një biletë. Nëse kalon këtë kohë, sesioni digjet dhe rifutesh në radhë nga fillimi", tha ai.
Kallanxhi u ndal edhe te dyshimet që biletat mos kenë dalë në shitje, si edhe te bllokimi i serverit.
"Dyshime për ndërhyrje dhe mos kenë dalë fare biletat? FSHF është një entitet jo shtetëror dhe nuk u jep shpjegime qytetarëve. Mund të ndodhë që edhe 20 mijë biletat të jenë shitur shpejt, pastaj do futemi në konspiracion të themi nëse nuk i kanë nxjerrë fare online.
Bllokimi i serverit? Këtë herë ka qenë diçka e veçantë, sa i takon kërkesave. 300 mijë vizita për një server është diçka e madhe. Serveri nuk mund të ketë qenë i rënë gjatë gjithë kohës, nuk e besoj. Nëse FSHF thotë se kanë qenë 300 mijë përdorues, kërkesa ka qenë për 600 mijë bileta, nëse dikush ka dashur dy bileta, sepse një person merrte deri në katër copë", tha eksperti i IT-së.
Tregu i zi i biletave në lulëzim. Këtë shpjegoi Kallanxhi që hoqi një paralele edhe me ndeshjen finale të Conference League, të luajtur në Tiranë më 25 majin e 2022 mes Romës dhe Feyenoord, ku sipas tij një biletë shkoi 2700 euro.
"Biletat? Kërkesat e mëdha bënë që njerëzit të futeshin në faqe. Besoj se kërkesat do sjellin edhe tregun e zi. Ka sajte të ndryshme, është një që quhet "viagogo", ky web kështu bën paratë. Lançon robotët e vet në sajtet ku blihen bileta, blen një numër të caktuar dhe i rishet me çmime të caktuara. Për finalen e Conference League, në këtë sajt u shitën edhe 2400-2700 euro një biletë. Kjo kompani me këtë merret.
Si ndodh kjo? I blen në emrin e kompanisë, individëve, robotëve. Mund të jenë edhe këto kampani që janë futur dhe kanë blerë biletat e Kombëtares", tha Tomi Kallanxhi.
Komente
Lajme të tjera
-
Apeli zbut vendimin për Tiranën, pezullon më shumë se gjysmën e dënimit! Derbi kundër Partizanit me tifozë
25 Nëntor, 16:37 -
Botërori 2026/ Nga shorti i grupeve, kualifikueset dhe si do të funksionojë faza play-off! Kombëtarja në vazon e tretë
24 Nëntor, 22:56 -
Legjionarët/ Bitri dhe Shpendi gjejnë golat, Gripshi fiton Kupën! Myrto Uzuni një gol larg historisë, Manaj rikthehet në fushë
24 Nëntor, 21:56 -
Renditja/ Keko mjafton kundër Laçit, Partizani rigjen kreun e Superligës! AF Elbasani dhe Tirana barazojnë 1-1, Egnatia fiton në Ballsh
24 Nëntor, 19:10 -
Renditja/ Në Vlorë ndalet ndeshja, futbollisti shijakas përfundon në spital! Fitojnë Flamurtari dhe Besa, vlonjatët në krye të Kategorisë së Parë (VIDEO)
24 Nëntor, 15:48 -
Superliga/ Vllaznia fitore dramatike 2-1 kundër Teutës për kreun e Superligës! Në Korçë barazim 2-2 mes Skënderbeut dhe Dinamos
23 Nëntor, 19:13 -
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26 -
'30% e përdoruesve të TikTok në vendin tonë 13-27 vjeç', Eksperti IT në Report Tv: Mbi 890 mijë shqiptarë! Ja cilat janë procedurat që ndiqen nëse do mbyllet
22 Nëntor, 14:23 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Sylvinho 's'e ka parë' ende, Fiorentina ofron 10 milionë euro për Cristian Shpendin
22 Nëntor, 11:11 -
I doli emri si trajner te Inter Miami, Sylvinho tregon të ardhmen: Më vjen keq për rezultatin e fundit me Shqipërinë
22 Nëntor, 08:49 -
Beckham zgjedh Sylvinhon, trajneri i Kombëtares ka mundësi për të stërvitur Lionel Messin! Në lojë edhe Xavi
21 Nëntor, 15:38
Mire,ATA i dime qe Jane maskarenj dhe prokuroria duhet te merret me ta,qe nga kryematrapazi ne krye te FSHF.Po Ju qe blini biletat e tyre jeni te marre,apo budallej me para'teper.Pse u shkoni hajduteve dhe matrapazeve ne stadiume?per tu fryre barkun dhe trashur Qafen?Futbolli ne stadiume luhet Edhe pa' tifoze.Bojkotoni ndeshjet dhe shikoni se si Armando Duka do te ulet cmimet menjehere.Harxhoni leket per te bere te marret ne stadiume,me qeleshe dhe pa' qeleshe.Dhe ankoheni se jeni te varferi dhe oligarket iu lane pa' buke.Trashini Qafen Armando e,se kombetares nuk i ngrini apo ti jlni asnje qime.
Përgjigju