POP 5

Lajmet më të lexuara të 5 minutave të fundit

Ekonomi

Bizneset, ¾ borxhe sa gjysma e kapitalit

 Mosshlyerja e detyrimeve financiare të shtetit për shumë vite ndaj biznesit privat ka sjellë ngërç për aktivitetin normal të këtij të fundit.
Bizneset, ¾ borxhe sa gjysma e kapitalit
TIRANE- Mosshlyerja e detyrimeve financiare të shtetit për shumë vite ndaj biznesit privat ka sjellë ngërç për aktivitetin normal të këtij të fundit. Kjo konstatohet edhe në raportin e Bankës qendrore lidhur me stabilitetin financiar në vend, që analizon veprimtarinë financiar gjatë gjashtë muajve të parë të vitit 2012.

Në qershor 2013, pozicioni debitor i bizneseve ndaj bankave ka shënuar vlerën 285.35 miliardë lekë, duke u ngushtuar me 3.1 miliardë lekë krahasuar me dhjetorin 2012 dhe me 11.15 miliardë lekë krahasuar me një vit më parë, thuhet në raport. Zhvillimi i pozicionit debitor gjatë gjysmës së parë të vitit ka qenë rezultat i rritjes së depozitave të bizneseve me 4.09 miliardë lekë, ndërkohë që kredia është rritur vetëm me 0.99 miliardë lekë. Por, në terma vjetorë, kredia për bizneset ka rënë me 0.5% në qershor 2013, krahasuar me rritjen prej 11.6% të rezultuar një vit më parë.

Depozitat kanë ndjekur prirje të kundërt, duke u rritur në qershor 2013 me 12.2% në terma vjetorë, ndërkohë që një vit më parë kanë shënuar rënie me 2.6%.
Huaja nga bizneset rezulton se shlyhet nëpërmjet pagesave me shuma të barabarta, me frekuencë mujore dhe me një normë interesi të pandryshueshme deri në fund të afatit të maturimit, për më shumë se gjysmën e ndërmarrjeve huamarrëse të përgjigjura në këtë vrojtim. Vlera e përgjithshme e huasë në raport me kapitalin e ndërmarrjes ka qenë afërsisht sa gjysma e tij për 73.0% të ndërmarrjeve të pyetura, konstatojnë ekspertët e Bankës.

Tek bizneset, pozicioni debitor mbetet në nivele të larta, por ai ka vijuar rënien e nisur në periudhën e mëparshme në kushtet e rritjes së depozitave të bizneseve në banka dhe mungesës së rritjes së kreditimit. Pozicioni debitor ndikohet kryesisht nga veprimtaria e ndërmarrjeve private në valutë të huaj. 

Shkrimi u publikua sot (13.10.2013) në gazetën Shqiptarja.com (print)

Redaksia Online
(d.d/shqiptarja.com) 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

112-vjetori i Pavarësisë/ Urime nga Kosova, Kurti: Ky 28 Nëntor na gjen me projektin e Memorialit të Adem Jasharit

112-vjetori i Pavarësisë/ Urime nga Kosova, Kurti: Ky 28 Nëntor na gjen me projektin e Memorialit të Adem Jasharit

28 Nëntor, 08:40