POP 5

Lajmet më të lexuara të 5 minutave të fundit

Ekonomi

Bizneset marrin kredi në valutë për të importuar! BSH: Bankat refuzojnë kërkesat për kredi, shkak lufta! Rrisin kushtet e kreditimit e pasiguria

Çmimet e larta në tregjet ndërkombëtare, i kanë shtyrë bizneset drejt marrjes së kredisë në valutë në këtë tremujor të parë të vitit. Banka e Shqipërisë thotë se si pasojë e çmimeve të larta të produkteve në tregjet ndërkombëtare por edhe për shkak të pasigurisë bankat janë bërë më konservatore në dhënien e kredisë

Bizneset kanë shtuar kërkesat për kredi në tremujorin e parë të këtij viti, si pasojë e ndikimit nga çmimet e larta. Banka e Shqipërisë thotë se kërkesa më e madhe për kredi ka qenë në valutë me 57% të totalit të kredisë së dhënë, dhe shkak është bërë nevoja për valutë me qellim importin e mallrave.

“Rritja e kredisë në valutë u mbështet nga kërkesa e shtuar e bizneseve për blerjen e mallrave jashtë, në kushtet e rritjes së shpejtë të çmimeve dhe pasigurisë që solli fillimi i konfliktit në Ukrainë”, thuhet në raportin e Bankës së Shqipërisë.

Por pasiguria që ka shkaktuar lufta në Ukrainë, bankat po i shtrëngojnë kushtet e kreditimit kryesisht për biznesin e vogël e të mesëm.

“Bizneset e vogla dhe të mesme, për vetë natyrën e biznesit të tyre, e kryejnë aktivitetin kryesisht në lekë dhe rreziku i kursit të këmbimit dhe pasiguria e lartë e krijuar mbas fillimit të konfliktit Rusi - Ukrainë kanë ndikuar edhe në shtrëngimin e standardeve për këtë grup nga bankat”, vijon më tej raporti.

Bankat po ashtu kanë dhënë kredi në vlera më të ulta sesa ka qenë kërkesa e bizneseve si dhe është shtuar numri i kushtëzimeve në marrëveshjet e nënshkruara mes palëve. Ndërkohë në këtë tremujor të parë të vitit normat e interesit të kredisë për bizneset regjistruan një rritje të lehtë në tremujorin e parë të këtij viti.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06