POP 5

Lajmet më të lexuara të 5 minutave të fundit

Sociale

Blegtorët e Gjirokastrës në protestë: Po vuajmë si qeni! Duam rritjen e çmimit të qumështit, grumbulluesit po na falimentojnë

Blegtorët e rajonit të Jugut protestuan sërish sot duke kërkuar nga Ministrja e Bujqësisë Anila Denaj të ulet në bisedime për të zgjidhur një sërë problemesh që po e çon në faliment blegtorinë. Kërkesa kryesore e tyre është vendosja e çmimi dysheme për shitjen e çmimit të qumështit pasi janë dëmtuar nga fabrikat dhe baxhot.

Blegtorët e Gjirokastrës në protestë: Po vuajmë si qeni! Duam rritjen e çmimit të qumështit, grumbulluesit po na falimentojnë

Blegtorët në protestë

Blegtorët e Gjirokastrës, Sarandës, Delvinës, Tepelenës, Përmetit kanë protestuar për të treten here tek Ura e Kardhiqit në Gjirokastër. Ata ankohen se  fabrikat dhe baxhot kanë fiksuar çmimin e qumështit, me 120 lek për litër duke sjellë humbje të mëdha për ta.  Ata pritet të takohen sot me ministren e Bujqësisë, Anila Denaj, për t’i prezantuar katër pikat kryesore të protestës: rritjen e çmimit të shitjes së qumështit, dyfishimin e subvencioneve, sistemimin e lerave malore dhe mundësimin e kontratave 15 vjeçare për kullotat.

“Jemi në protestën e radhës pasi zotërinjtë e ministrisë na kanë lënë një takim por e kanë lënë në një moment të papërshtatshëm sepse kujtojnë se ne do të largohemi. Zonja ministre ka ardhur mesa kemi informacion, ndodhet në Tepelenë do të inaugurojë një thertore”.  Një rrugë e dy punë si i thonë.

Ne prapë do t’ia paraqesim ato 4 pika dhe në qoftë se ata nuk reagojnë do të na kenë në rrugë përsëri sepse kanë bërë edhe presion. Te shumë blegtorë ka pasur presione.

Blegtorët shprehen se detyrohen ta shesin qumështin me çmim të lirë ndërkohë që është dyfishuar çmimi për ushqimin e bagëtive.

“Ne kemi 4 pika zotëri i dashur. As për subvencionet as për kullotat as për veprat ujore. Nuk ka më kthim pas sepse ne po vuajmë si qeni. Nëse ata nuk na zgjidhin këto 4 pika, ne do t’i shesim dhe do të ikim nga ky vend sepse kjo është e qëllimshme”- tha blegtori.

Protesta të ngjashme janë organizuar gjatë janarit edhe në Fier e Vlorë pasi për blegtorët që mbarështojnë delet e dhitë ulja e çmimit do të thotë faliment! Ata kërkojnë që çmimi dysheme i qumështit të bëhet 160 lekë për litër.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Naku: 01/02/2024 18:36

    Duhet te lidheni direkt me pikat e shitjes me pakice.

    Përgjigju
  • Arber Shqiponja.: 01/02/2024 15:19

    Poçpunë ka shteti me privatët.Qumshin nuk e grumbullon shteti.Logjika thujini atyre pra ti thotë shteti tia grumbullojnë qumështin më shtrenjt.Çudira shqiptare.

    Përgjigju
  • Turi: 01/02/2024 14:47

    Mos shisni asnje ml derisa te shkoni te cmimi i drejte , e falni qumeshtin dhe mos jua shisni maskarenjve qe e kane cuar kg e djathit 1600 leke

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi