Blenard Nonaj, kreu i ri i
maternitetit "M. Geraldinë"

 TIRANE- Blenard Nonaj është drejtori i ri i Spitalit Universitar Obstetrik-Gjinekologjik (SUOGJ) "Mbreteresha Geraldinë". Ministri i Shëndetësisë Ilir Beqaj prezantoi sot drejtorin gjatë një takimi që zhvilloi me mjekë dhe punonjës të këtij institucioni.

Ministri i Shëndetësisë  shprehu besimin se Dr. Blenard Nonaj, me përvojën e tij profesionale dhe njerëzore, do të dijë të zbatojë programin e Qeverisë së re për rikthimin e besimit të humbur të qytetarëve tek shërbimi shëndetësor dhe krijimin e kushteve të nevojshme profesionistëve për të shërbyer me cilësi.

Ministri Beqaj e vuri theksin veçanërisht tek roli parësor që spitali “Mbretëresha Geraldinë” duhet të kenë edhe në udhëheqjen profesionale të shërbimeve spitalore në të gjithë vendin.

KUSH ESHTE BLENARD NONAJ
Emërimi i Dr. Nonaj në këtë detyrë vjen pas një përvoje pothuajse 10-vjeçare profesionale si mjek obstetër-gjinekolog në Sektorin Obstetrik-Gjinekologji të SUOGJ “Mbretëresha Geraldinë” në Tiranë, dhe më herët si mjek i përgjithshëm në Shërbimin Parësor në Skrapar.
 
“Kjo përvojë si mjek obstetër-gjinekolog, vazhdoi më tej Ministri, besojmë se do ta ndihmojë Dr. Nonaj në drejtimin e këtij institucioni të rëndësishëm të sistemit të shëndetit parësor, siç është SUOGj “Mbretëresha Geraldinë”- vlerësoi Beqaj.

Nga ana e tij, drejtori i ri i SUOGJ “Mbretëresha Geraladinë”, z. Nonaj, në fjalën e tij, falënderoi Ministrin e Shëndetësisë për besimin e treguar, duke theksuar vullnetin dhe gatishmërinë e tij për të qenë në lartësinë e detyrave që kërkohen nga programi i Qeverisë së re.
 
NE 2010 I KERKOI RAMES TE NDERPRISTE GREVEN
Në 2010 Nonaj ishte pjesë e 86 personaliteteve të artit, kulturës, mjekësisë, arsimit dhe shkencës, të cilët nënshkruan një peticion drejtuar Edi Ramës, atëherë, kryetarit të Partisë Socialiste,ku i kërkohej të ndërpriste grevën e urisë dhe protestat e të rinisë dialogun institucional me Qeverinë.  janë bashkuar edhe 86 intelektualë të tjerë. Gjithsej numri i intelektualëve shqiptarë të cilët iu bashkuan kësaj liste shkoi në 212 personalitete .  Njëzet deputetë të PS-së hynë në grevë urie duke kërkuar hapjen e kutive pasi akuzonin qeverinë e atëhershme Berisha për vjedhje të votave të zgjedhjeve parlamentare të  2009.