POP 5

Lajmet më të lexuara të 5 minutave të fundit

Politikë

Blerja e Lanabregasit
Këshilltarët e PS: 15 mln euro
jo pronë private

Këshilltarët e majtë në bashkinë e Tiranës kanë reaguar sot duke deklaruar se pas privatizimit të HEC të Lanabregasit qëndrojnë interesa korruptive. Socialistët vlerësojnë të dyshimtë përzgjedhjen e kompanisë fituese, procedurën e blerjes dhe përzgjedhjes së UKT, interesat e kredisë dhe vlerën e këtij transaksioni.
TIRANE- Këshilltarët e majtë në bashkinë e Tiranës kanë reaguar sot duke deklaruar se pas privatizimit të HEC të Lanabregasit qëndrojnë interesa korruptive. Socialistët vlerësojnë të dyshimtë përzgjedhjen e kompanisë fituese, procedurën e blerjes dhe përzgjedhjes së UKT, interesat e kredisë dhe vlerën e këtij transaksioni.
Përmes një deklarate për shtyp ata theksojnë se marrëveshja e privatizimit ndërmjet Ministrisë së Ekonomisë, Tregtisë dhe Energjetikës dhe Ujësjellës-Kanalizime është terësisht jotransparente. Sipas këshilltarëve socialistë në Bashkinë e Tiranës fondi prej 15 mln euro po trajtohet si prone private nga dy institucione pupo trajtohet si pronë private.
"Qytetarët vërejnë një procedurë aspak transparente, me pika të errëta, me synime korruptive, për përcaktimin e fituesit apo çmimit të blerjes, mënyrës së pagesës dhe procedura të tjera të lidhura me të. Sipas ligjit, privatizimet dhe koncesionet jepen pas një procedure të qartë konkurrimi të hapur. Kjo nuk ka ndodhur sikurse dhe raste të tjera të ngjashme." thuhet në deklaratën e këshilltarëvë socialistë në Bashkinë e Tiranës.
Socialistët shprehen të shqetësuar dhe për faktin se përballë këtij skandali Bashkia e Tiranës dhe kreu i saj Lulëzim Basha po heshtin. Ata kërkojnë thirrjen në interpelancë të kreut të Bashkisë Lulëzim Basha i cili sipas tyre duhet të sqarojë qytetarët dhe të mos zgjedhë heshtjen.
Ja pyetjet që sipas socialistëve duhet tu përgjigjet Basha:

1-Mbi çfarë baze e procedure ligjore është bërë marrëveshja e blerjes së HEC-it Lanabregas?

2-Si është bërë përzgjedhja e kompanisë fituese?

3-Sa janë interesat e kredisë dhe vlera totale e këtij transaksioni ?

4-A ka patur një procedurë përzgjedhëse për një variant më të mirë dhe më të lirë?

5-Me ç’të drejtë penalizohen qytetarët e Tiranës me këtë transaksion dhe pagesë të panevojshme?

HEC i Lanabregas u privatizua rreth një javë më parë nga Ndërmarrja Ujësjellës Kanalizime i Tiranës, institucion në varësi të bashkisë së kryeqytetit.
UKT deklaroi se kjo blerje do të ndikonte direkt te çmimi që sot paguajnë qytetarët për furnizimin me ujë. Në proces privatizimi janë edhe disa hidrocentrale të tjera. (ns/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53