POP 5

Lajmet më të lexuara të 5 minutave të fundit

Blinte në biznese me dollarë false, arrestohet 46-vjeçari në Tiranë! Ishte organizator i grupit prej 4 personash

Një 46-vjeçar, i identifikuar si Leone Duka është arrestuar nga policia e Tiranës pasi dyshohet se është organizatori i falsifikimit të kartmonedhave 50-dollarëshe false. Gjatë operacionit “50 Dollars”, i zhvilluar rreth 2 muaj më parë, janë arrestuar 3 persona, pjesë e grupit që ushtronte këtë veprimtari kriminale.

Organizatori i grupit që falsifikonte kartmonedha 50 dollarëshe false dhe blinte në subjekte të ndryshme tregtare në Tiranë dhe Korçë është vënë në prangat e policia. Leone (Luan) Duka, 46 vjec u arrestua nga policia e Tiranës, ndërsa 2 muaj më parë u arrestuan 3 persona të tjerë, pjesë e grupit që ushtronte këtë veprimtari kriminale.

Gjatë kontrollit fizik, 46-vjeçarit i është gjetur një sasi e konsiderueshme kartëmonedhash të prerjes 50 dollarë, të dyshuara të falsifikuara, të cilat janë sekuestruar në cilësinë e provës materiale, së bashku me automjetin që ai përdorte. Vijon puna për dokumentimin e plotë të kësaj veprimtarie kriminale. Materialet i kaluan Prokurorisë, për veprime të mëtejshme procedurale.

Nuk është hera e parë që Luan Duka arrestohet për falsifikim monedhash. Në vitin 2017 u vu në pranga ndërsa u sekuestruan 11 mijë euro të dyshuara të falsifikuara. Së bashku me të u arrestuan edhe 2 persona të tjerë të identifikuar si:

Agron Rrucaj 23 vjeç banues në Mamurras Laç dhe me banim të përkohshëm në Tiranë, i dënuar më parë për prodhim dhe mbajtje të lëndëve narkotike. Nafie Miraka, 19 vjeçe banuese në fshatin Dufshan, Gramsh, me banim të përkohshëm në Tiranë.
 
U zbuluan, pasi mashtruan kambistin në Gramsh 

Aso kohe, tre të arrestuarit në bashkëpunim me njëri – tjetrin, në pikën ‘Exchange’ të N.K. në qytetin e Gramshit, kanë këmbyer 3 kartëmonedha, me prerje 100 Euro false. Pronari i pikës së ‘Exchange’ pas dyshimeve për prerjet e kartëmonedhave ka njoftuar policinë, e cila ka arrestuar tre personat në afërsi të fshatit Gostimë, teksa po ktheheshin me mjetin tip "Peugeot".

Gjatë kontrollit në makinë tre personave u janë gjetur dhe sekuestruar 11.000 Euro të dyshuara të falsifikuara.  

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • fredi: 28/06/2022 09:47

    ky zotnia leone duka i ka nja 4 denime per falsifikime parash edhe per 2 muaj esh jasht hekurave perseri

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06