Kryeministri i Kosovës Hashim Thaçi, tha sot se ka biseduar me kryeministrin maqedonas, Nikola Gruevski, me të cilin, siç deklaroi, kanë shprehur shqetësimet për situatën e krijuar nga bllokada në kufi.
“Kemi rënë dakort që kjo çështje të mbyllet sa më shpejt”, ka thënë Thaçi. Ai deklaroi se kjo situatë nuk është e shëndetshme për asnjërën palë. Kryeministri në mbledhjen e Qeverisë, u tha vartësve të tij se puna e embargove do të mbyllet sot ose nesër prandaj ka angazhuar që të merret me këtë punë, zv.kryeministrin Hajredin Kuçi dhe zv. kryeministren dhe ministren e Tregtisë dhe Industrisë, Mimoza Kusari-Lila.
Ndërkohë, ministrja Kusari Lila ka njoftuar kabinetin se, situata në kufi me Maqedoninë është po e njëjta, që prej datës 2 shtator 2013, raporton Koha.
Redaksia online
(ac/shqiptarja.com)