POP 5

Lajmet më të lexuara të 5 minutave të fundit

Kronikë

Të gjitha gomonet e skafet në Vlorë e Himarë në Triport , Report Tv sjell pamjet! Drejtori i kufirit: Verifikim dokumentacionit

Me dhjetëra gomone, skafe dhe motorë ujë që janë kapur duke kryer manovra në det apo që kanë mungesë dokumentacioni po mbahen të bllokuara në Vlorë. Drejtori i ri i Kufirit, Eduart Sulejmani ka bërë të ditur se asnjë mjet lundrues nuk do të dalë në det, derisa të verifikohet gjithë dokumentacioni. "Report Tv" sjell pamjet nga pikat e bllokimit në Triport dhe aksioni i "Delta Force".

Forca të shumta të policisë kufitare të Vlorës dhe repartit special "Delta Forca" kanë dalë në aksion për bllokimin e mjeteve lundruese. 'Report Tv' ka arritur të xhirojë pamjet brenda repartit special " "Delta Force" në Radhimë. Janë 10 jetski dhe 5 gomone të bllokuara brenda dy ditëve.

Oficerët thanë se këto mjete lundruese janë kapur duke kryer manovra të rrezikshme, në shkelje të rregullave të sigurisë në det. Me kameran e Report TV zhvendosemi në stacionin e policisë kufitare të Triportit, ku mbahen për verifikim 33 gomone e skafe si dhe 4 jetski.

Drejtori i ri i Policisë së Kufirit në Vlorë Eduart Sulejmani tha në bisede telefonike se asnjë mjet lundrues nuk do qarkullojë derisa të kryhet verifikimi i dokumentacionit. Sipas tij, mjetet lundruese që përdoren për qëllime turistike apo private duhet të kenë një sërë dokumentesh që nga licenca e deri tek NIPT-i. Në varësi të shkeljeve pritet të merren masa nga gjoba deri në bllokimin e mjetit lundrues.

Kontrollet e Policisë Kufitare janë shtrirë në vijën bregdetare të jugut pas ngjarjes tragjike të Himarës, ku oficeri i policisë Arjan Tase përplasi për vdekje 7-vjecaren Jonada Avdia teksa lahej në det. 

Përpos Triportit dhe Delta Forca, një tjeter pikë bllokimi është ngritur dhe në Porto Palermo të Himarës.

 

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49