POP 5

Lajmet më të lexuara të 5 minutave të fundit

Ekonomi

Bllokohen prokurimet nga 15 korriku

Pas 15 korriku, nuk do të ketë më tendera, me përjashtim të emergjencave, që do të vendosen për çdo rast me vendim qeverie. Projektvendimi i hartuar nga ministria e Financave pritet të miratohet nga qeveria nesër, në mbledhjen e radhës.
Bllokohen prokurimet nga 15 korriku
TIRANE - Pas 15 korriku, nuk do të ketë më tendera, me përjashtim të emergjencave, që do të vendosen për çdo rast me vendim qeverie. Projektvendimi i hartuar nga ministria e Financave pritet të miratohet nga qeveria nesër, në mbledhjen e radhës. Marrja e këtij vendimi erdhi një javë pas takimit të kreut të Partisë Socialiste, Edi Rama dhe atij të Lëvizjes Socialiste për Integrim, Ilir Meta, ku iu kërkua qeverisë aktuale ndalimi i prokurorimeve të reja, duke ndaluar vendime për koncensione të reja të pasurisë publike, si dhe garancia që administrata të mos përfshihet në veprime antiligjore të orës së fundit me arkën e shtetit.

Në projekt-vendimin e Ministrisë së Financave thuhet se botimi i çdo lloj njoftimi, duke përfshirë këtu edhe negocimin pa publikim, me përjashtim të njoftimit të kontratës së nënshkruar, për prokurim të fondeve buxhetore për shpenzimet kapitale dhe korrente të njësive të qeverisjes së përgjithshme, do të bëhet vetëm më vendim të Këshillit të Ministrave.

Nga ky rregull do të përjashtohen fondet buxhetore që shkojnë për shërbimin e ushqimit apo medikamenteve, në ato njësi ku kryhet ky shërbim, prokurimet për blerjet e vogla, ku hyjnë blerjet deri në 10 mijë lekë dhe investimet nga të ardhurat e realizuara nga njësitë e qeverisjes së përgjithshme. Gjithashtu, do të reduktohen shpenzimet operative 20%, 30% shërbimi i paguar i celularëve për ata që përfitojnë, si dhe do të hiqen pagesat e anëtarëve të bordeve.

Shkrimi u botua sot në gazetën Shqiptarja.com (print) 09.07.2013
 
Redaskia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Kina, Meksika, Kanadaja reagojnë ndaj kërcënimeve të Trumpit për tarifat tregtare

Kina, Meksika, Kanadaja reagojnë ndaj kërcënimeve të Trumpit për tarifat tregtare

27 Nëntor, 13:17