Nxënësit i lanë afat 2 javë ose nuk futen në mësim, Drejtoria e Arsimit Gjirokastër: Hidroizolimin do e bëjmë në qershor

Pas bojkotit të mësimit nga nxënësit e vitit të dytë të gjimnazit “Siri Shapllo”, Bashkia e Gjirokastrës bën me dije se do të ri-investojë në hidroizolimin e godinës të shkollës.

Drejtoresha e Arsimit në Bashkinë e Gjirokastrës, Doriana Demo në një reagim për Report Tv ka zbuluar hapat që do të ndërmarrë në vazhdim ky institucion në përmirësimin e kushteve në këtë shkollë.

Dhjetorin e kaluar një firmë kishte marrë përsiper hidroizolimin e pjesshëm të godinës e bashkë me të edhe sistemin e shkarkimit te ujerave. Sipas Demos pritet që në muajin qershor të këtij viti, të investohen të tjera fonde për hidroizolimin e godinës.

Ndërkohë nxënësit e klasave të 11-ta, këmbëngulin në bojkot për 2 javë deri në përmbushjen e kërkesave të tyre për kushtet mësimore.

Lajmi kryesor:

Pikon çatia e shkollës, gjimnazistët bojkotojnë mësimin! Bashkia Gjirokastër pranon: Firma kreu punime pa cilësi

TAG:
• proteste
• Gjirokaster