POP 5

Lajmet më të lexuara të 5 minutave të fundit

Sport

Boks, Tony Bellew mposht me nokaut teknik David Haye/ VIDEO

Pesë raunde të luftuara mes dy britanikëve në boksin profesionist të peshave të rënda kanë shpallur fitues Tony Bellew, që mposht David Haye me nokaut teknik.

Boksieri Tony Bellew fitoi me “KO teknik” në raundin e pestë edhe revanshin ndaj David Haye në peshat e rënda, duel i zhvilluar në stadiumin “O2 Arena” të Londrës, një përballje mes dy boksierësh britanikë që pritej me interes nga të gjithë.

Ky është suksesi i dytë radhazi për Bellew ndaj patriotit të tij, që pas triumfit në mars të vitit të kaluar, edhe asokohe me “KO teknik” në raundin e 11-të, këtë herë u tregua edhe më i shpejtë, duke e mposhtur rivalin në raundin e pestë. Për Bellew ky është triumfi i 30-të në ring në karrierën e tij, ku numëron edhe 3 humbje e një barazim.

Edhe pse në dy raundet e para u duk sikur Haye ishte më superior në ring, duke i fituar ato me pikë, në raundin e tretë ndryshon tërësisht pamja e sfidës dhe Belleë nis të hedhë themelet e triumfit. Haye bie dy herë në tapet në sekondat e fundit të raundit të tretë, duke u shpëtuar nga këmbana.

Pasi arrin të mbijetojë në raundin e katërt, në të pestin Haye sërish e sheh veten në tapet. Haye përpiqet të qëndrojë në këmbë, por disa grushte të Bellew detyrojnë gjyqtarin të ndalë duelin në mesin e raundit të pestë.

Belleë ishte më i freskët, u tregua i saktë në mbrojtje dhe corientoi rivalin me grushtet e tij, duke e merituar fitoren. Për Haye, dy humbje radhazi që mund t’i thonë mjaft karrierës së tij. Me shumë mundësi dueli i radhës për kampion bote në peshat e rënda pritet të jetë mes britanikut tjetër Antony Joshua dhe fituesit të duelit të fundit Tony Bellew, që është në rolin e sfiduesit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46