Boksi profesionist, një shqiptaro-amerikan zgjidhet në krye: Mbështetja financiare e garantuar për sportistët

Shqiptaro-amerikani Briget Seitaj do jetë i pari kryetar që do drejtojë federatën e boksit profesionist në Shqipëri. Biznesmeni nga Korça është propozuar nga Komisioni i Boksit Profesionist dhe ka pranuar këtë detyrë, duke premtuar mbështetje financiare dhe rritjen e nivelit të boksierëve shqiptarë.

“Do zhvillohen më shumë evente, secili do paguhet për atë që bën dhe duke parë nivelin e tyre edhe sportistët do ngrihen. Do marrim të rinj dhe do ta nisim vrullshëm. Deri më tani ka patur disa aktivitete, por kanë qenë të frenuara,”-u shpreh Briget Seitaj, kreu i Federatës Shqiptare të Boksit të Profesionist:.

Edhe pse pa asnjë funksion, kohët e fundit Briget Seitaj, ka mbështetur boksierët shqiptarë në gara të ndryshme ndërkombëtare.

LEXO EDHE:
'Shqiptarët në Leverkusen e bënë më të bukur fitoren', boksieri Hysa pasi u ngjit i 66 në botë: Ky vit mbyllet me surpriza

“Këtë vitin e fundit, një vit nisje për federatën shqiptare të boksit profesionist, Briget ka qëndruar shumë afër, duke qenë promotor kryesor i gjithë boksit profesionist shqiptar. Duke bërë atë që federata e boksit shqiptar nuk ka patur mundësi për ta bërë,”-deklaroi Florend Kalivopulli, president i federatës së boksit.

Objektivi më i afërt i federatës shqiptare të boksit profesionist është organizimi i dy eventeve të mëdha në Londër dhe Amerikë brenda këtij viti ku pritet të ketë edhe shumë mbështetës për boksierët kuqezinj.

TAG:
• federata e boksit
• boksi profesionist
• Briget Seitaj

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq