POP 5

Lajmet më të lexuara të 5 minutave të fundit

Sport

Debutim fantastik në boksin profesionist, Hysa 4 fitore me nokaut në po kaq ndeshje: Sfida e rradhës me ish-kundërshtarin e Mohamed Ali

Me 4 fitore me nokaut në po kaq ndeshje Nelson Hysa ka debutuar në mënyrë mbreslënëse në boksin profesionist. Për ‘Report Tv’ shkodrani thotë se në ndeshjen e fundit në Gjermani shqiptarët e bënë të ndihet si në Shqipëri, ndërsa shtoi se 23 tetor do përballet me një kundërshtar që në të kaluarën është ndeshur me Mohamed Ali.

6 muaj më parë vendosi të kalonte nga boksi olimpik në atë profesionist dhe deri më tani ka rezultuar shumë i suksesshëm. Bëhet fjalë për Nelson Hysën, boksierin shkodran të peshave super të rënda, që të shtunën mori fitoren e katërt në po kaq ndeshje. Edhe kjo kundër gjermanit Mohamed Ali Durmaz erdhi me nokaut, ashtu si 3 përballjet e tjera më herët.

“E kemi ditur se do ishte një ndeshje shumë e vështirë kundër gjermanit në shtëpinë e tij, por kishim marrë masat. Kam një kohë të gjatë që po stërvitem dhe jam në një periudhë shumë të mirë. Jo më kot po marr vetëm fitore,”-u shpreh Nelson Hysa, boksier.

Për Report TV Hysa thotë se fitoret ua dedikon trajnerëve Zef Gjioni dhe Taulant Stërmasi, ndërsa sqaron se në ndeshjen e zhvilluar në Leverkusen u ndje sin ë shtëpi.

“Atje nuk u ndjeva fare në Gjermani, por si në Shqipëri. Kishte aq shumë shqiptarë dhe ndiej rastin ti falenderoj, pasi u ndjeva sikur të isha në shtëpi,"-tha Nelson Hysa, boksier.

Hysa zbuloi se më 23 tetor do jetë ndeshje e ardhshme ku në axhendë është sfida me një kundërsshtar tepër të fortë, i cili në të kalurën është ndeshur edhe me legjendën e boksit Mohamed Ali.

“Po mundohem të bëj një aktivitet shumë të rëndësishëm me ekipin ‘Titans’ dhe atje kam zgjedhur një kundërshtar, i cili është më i forti nga të gjithë ata që kanë ardhur në Shqipëri për boksin profesionist. Është dhe një nga ata që kanë qenë më të fortët në botë,”-deklaroi Nelson Hysa, boksier.

Hysa prej shumë vitesh është boksieri kampion i Shqipërisë për peshat e rënda, ndërsa tani do sfidojë veten në një tjetër nivel.

Ne.k./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Genti: 26/09/2022 16:54

    Suksese Nelo, je i paarritshem,

    Përgjigju
  • Qooo: 26/09/2022 14:35

    E paske kundershtar safi te forte. Eshte i ri flake, 80 vjec. Djale super.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu