TIRANË- Duke filluar nga dita e nesërme, do të lëvrohet bonusi i fundvitit për mbi 695 mijë pensionistë në mbarë vendin prej 5000 mijë lekësh. Ndërsa për 66 mijë pensionistë, që kanë pensione invaliditeti do të akordohen edhe plus 6000 mijë lekë të tjera, para që shkojnë në total 11000 lekë. Vendimin e qeverisë e bëri të ditur kryeministri Edi Rama, sot gjatë një deklaratë për gazetarët, ndërsa tha se paketa në total do të jetë prej 4.3 miliardë lekësh të reja.
'Dola sot pas mbledhjes së qeverisë, për një arsye të vetme, sepse kemi marrë një vendim, të cilin ua kemi premtuar pensionistëve dhe sot, falë këtij vendimi, duke filluar nga dita e nesërme do të fillojë lëvrimi i bonusit të fundvitit për të gjithë 695,101 pensionistë, prej 5 mijë lekësh të reja. Edhe pse kemi pasur vështirësi të posaçme këtë vit, vështirësi që dihen, përsëri për ne ka qenë e padiskutueshme që, jo vetëm për pensionistët, por edhe për 66 mijë të tjerë të kategorisë pensionistë, që kanë pensione invaliditeti me përfaqësuesit e të cilëve kemi patur edhe një dialog intensiv në nivelin e Ministrisë së Financave, do të akordojmë edhe plus 6 mijë lekë të tjera, pra të reja, që shkojnë në 110 mijë lekë të vjetra për këta pensionistë, si kompensim i nevojshëm dhe i merituar, bazuar edhe në rezultatet e dialogut që kemi zhvilluar. Në total është një paketë prej 4.3 miliardë lekësh të reja, rreth 40 milionë dollarë që vihet në dispozicion pikërisht të këtyre kategorive që janë edhe kategoritë më në nevojë të shoqërisë sonë. Ndërkohë kemi marrë edhe vendimin për të filluar nga janari i vitit të ardhshëm edhe aplikimin e një tjetër mase të konsultuar me publikun gjatë Këshillimit Kombëtar, për nënat e papuna me tre fëmijë të mitur, të cilave qeveria do t’u paguajë të gjitha sigurimet shëndetësore dhe shoqërore, njësoj sikur të ishin në punë.'- u shpreh Rama.
Nga ana tjetër edhe 64 mijë familje me ndihmë ekonomike do të mbështeten me bonusin e fundvitit. Megjithëse, kryeministri Rama nuk bëri të ditur shumën e shpërblimit që do të marrin.
‘Po ashtu, do të mbështesim edhe 64 mijë familje me ndihmë ekonomike, për të cilat siç e dini kemi pasur disa rritje të ndihmës, por gjithsesi mbeten në nevojë dhe në vëmendje për t’u mbështetur edhe me bonusin e fund vitit, si edhe për gjithë kategorinë e paraplegjikëve edhe tetraplegjikëve.’- u shpreh Rama.
Për festat e fundvitit do të përfitojnë edhe katër kategori të tjera, përveç pensionistëve. Sipas VKM-së, do të shpërblehen me 30 mijë lekë familjet me ndihmë ekonomike, të verbrit, paraplegjikët dhe tetraplegjikët, si edhe të gjitha ato familje që kanë një person me aftësi të kufizuara i cili trajtohet me kemp.
“Në mbështetje të nenit 100 të Kushtetutës, të nenit 5, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të ligjit nr.115/2021, “Për buxhetin e vitit 2022”, të ndryshuar, me propozimin e ministrit të Shëndetësisë dhe Mbrojtjes Sociale dhe të ministrit të Financave dhe Ekonomisë, Këshilli i Ministrave
V E N D O S I:
1. Përfituesit nga skema e ndihmës ekonomike dhe aftësisë së kufizuar shpërblehen financiarisht, për vitin 2022, në masën 3 000 (tre mijë) lekë, të ndarë sipas kategorive të mëposhtme:
a) Familjet të cilat trajtohen me ndihmë ekonomike;
b) Familjet të cilat kanë në përbërje të tyre anëtarë me aftësi të kufizuara, të lindur ose të bërë të tillë, të cilët deklarohen të paaftë për punë me vendim të KMCAP-së, sipas shkronjave “b” dhe “c”, të nenit 8, të ligjit nr.57/2019, “Për asistencën sociale në Republikën e Shqipërisë”;
c) Individët përfitues të statusit, sipas ligjit nr.8626, datë 22.6.2000, “Statusi i invalidit paraplegjik dhe tetraplegjik”, të ndryshuar;
ç) Individët përfitues të statusit, sipas ligjit nr.8098, datë 28.3.1996, “Për statusin e të verbrit”, të ndryshuar.
2. Efektet financiare, që rrjedhin nga zbatimi i këtij vendimi, llogariten në shumën 399 000 000 (treqind e nëntëdhjetë e nëntë milionë) lekë dhe përballohen nga fondi rezervë i buxhetit, për vitin 2022.
3. Ngarkohen Ministria e Shëndetësisë dhe Mbrojtjes Sociale dhe Ministria e Financave dhe Ekonomisë për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”, thuhet në VKM.
Për kryeministrin Edi Rama, deputeti socialist Erion Braçe është institucion dhe se mund të thotë çfarë i do e bardha zemër. Kjo ishte përgjigja e kreut të qeverisë pas interesit të gazetarëve për akuzat e Braçes në drejtim të kryetarit të grupit parlamentar të PS-së Taulant Balla, se ky i fundit urdhëroi rrëzimin e amendamentit të tij për bujqit.
‘Braçe është institucion dhe të thotë çfarë t’i dojë e bardha zemër se zemrën e ka të bardhë borë. Kur merrni për sipër të komentoni Braçen sigurohuni që paratë keni ngrënë një lugë mjaltë.’- tha Rama.
Kryeministri Edi Rama tha se Open Balkan është në përputhje germë për germë me BE-në.
‘Ajo nuk është rezolutë e PE. Open Balkan është një nismë në përputhje të plotë 100% me frymën dhe germën e BE. Është pjellë e procesit të Berlinit. Kemi firmosur ato dokumente që ishin më parë firmosur në Ballkanin e Hapur. Nuk kemi arsye të ndryshojmë opinion për Ballkanin e Hapur, mbase është e drejta e tyre të ndryshojnë opinion mbi Ballkanin e Hapur.’- u shpreh Rama.
Komente
Lajme të tjera
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Ben Andoni: Politika nuk i njeh më shqiptarët
17 Dhjetor, 17:42
-
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
Ylli Pata: Revolucioni hungarez i BE që 'shpëtoi' Shqipërinë, por jo vetëm
17 Dhjetor, 08:29
-
Infrastrukturë, kujdes ndaj pacientëve dhe teknologji e avancuar, pamjet nga shërbimi i Sëmundjeve të Brendshme te Spitali i Traumës (VIDEO)
17 Dhjetor, 08:15 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Teatri i Kukullave, rikthim për fëmijët pas 3 vitesh mungesë. Rama: Shumë shpejt, gati edhe teatri i ri te Parku i Liqenit
16 Dhjetor, 15:06
-
Presidenti i Këshillit Evropian: E ardhmja e Ballkanit Perëndimor është në BE
16 Dhjetor, 14:49
Nje pyetje kisha , po per kto nenat qe jan te papuna me tre ose me shume femije ,nuk ka Bonus ne funde vite qe dhe ato te arrin ti kenaqin me sado pak femijet e tyre,dhe pse nuk perfshihet pagese mujore per femijet deri sa te arrin moshen madhore ,ose te perfundojn studimet ,sic ndodhe ne te gjithe boten po thjeshte i genjeni me sigurimet ,ku ato sigurime dhe po te jeshe semure sti njeh njeri ne spitalet tona ,se te vdesin aty e ste shikojn po si dhe gje .
Përgjigju5000 jepeshin qe nga viti 1998 e deri 2020 kur inflacioni ishte normal dhe çmimet ishin stabel.Sot çmimet jan 4 fishuar , inflacioni me i larti ne 32 vjet demokraci , cmimi bukes eshte ngritur gramatura eshte ulur....ky 5000 sot ka vleren e 5 lekeshit qe nik gjendet as per resto popullorshe kusur...Mire na e beni , nuk kemi pare asgje akoma...
PërgjigjuPo cti bej pensionisti i gjor 5 mij leka shperblim qe nuk dalin as per buk? Vetem nje shishe verë ne tryezen tende do kushtoj sa dyfishi i ketij shperblimi qe u jep pensionistit.Je tamam i pashpirt.
PërgjigjuTe pakten na jep nje pension te plot o te vraft i madhi zot....5 mij lek shperblim i jipte Berisha para 10 vitesh e ti gjykoje se nuk mjaftonin per nje gjel deti.Qofsh i mallkuar mor bir
PërgjigjuKeto pra jane te gjitha ato vendime qe duhen gje qe Pd nuk e arriti dot asnjerher
PërgjigjuFal qeveris tryezat e pesionisteve do te jen plot
PërgjigjuJa kto jane fakte qe tregojne rendesine qe i kushtoni cdo kategorie
PërgjigjuMasa nga me te ndryshmet po merrni per popullin tuaj duke i lumturuar me keto bonuse qe jepni
Përgjigjukeshu duhet qeverisur vendi ku te japi para e jo ku te marri te pasuroj shkelzenin
Përgjigjupo bravo rame qe mendon dhe per ne je i papar
Përgjigjuvec ti mendon o shoku im se me perpara se vriste njeri mendjen
Përgjigju