Boris Johnson mban fjalimin e fundit si kryeministër i Britanisë, shprehja që u shoqërua me duartrokitje: Hasta la vista, baby

Boris Johnson ka mbajtur fjalimin e tij të fundit si kryeministër i Britanisë së Madhe duke thënë: “Misioni u krye... hasta la vista baby (shihemi më vonë).”

Johnson u detyrua të shpallë largimin nga posti i kryeministrit në fillim të këtij muaji pas një furie prej më shumë se 50 dorëheqjesh nga qeveria e tij, në kundërshtim me kryeministrin pas një skandali që kanë dalë për vendin. Johnson dha dorëheqjen pasi u zbulua skandali se kishte emëruar një politikan të akuzuar për sjellje të pahijshme seksuale.

Në fjalimin e tij të fundit, Johnosn nuk harroi të përmendte punën e qeverisë kur u goditën nga pandemia e Covid-19 dhe mbështetjen që dha Britania e Madhe për Ukrainën.

"Ne kemi ndihmuar, unë kam ndihmuar që ky vend të kalojë një pandemi dhe të ndihmojë në shpëtimin e një vendi tjetër nga barbarizmi. Dhe sinqerisht, kjo është e mjaftueshme. Misioni u krye. Dua t'i falënderoj të gjithë këtu dhe hasta la vista, baby", tha Johnson.

“Hasta la vista, baby”, e huazuar nga Arnold Schëarzenegger në filmin e vitit 1991 "Terminator 2: Judgment Day" dhe që përkthehet “shihemi më vonë” i solli shumë duartrokitje.

Vetëm dy javë më parë, disa nga ata ministra e deputetë që duartrokisnin dhanë dorëheqjen nga qeveria e tij, kritikuan udhëheqjen e tij dhe kërkuan që ai të largohej. 

Kryeministri i ri i Britanisë së Madhe do të vendoset kur parlamenti të kthehet nga pushimi veror më 5 shtator.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum