Skuadra e trajnerit Jurgen Klopp është shpallur kampione, dy ndeshje para përfundimit të edicionit në Bundesligë pasi ka tetë pikë epërsi ndaj ndjekësit të parë Bayern Munich.
Golat në fitoren e Dortmund i realizuan mesfushorët Ivan Perisic në minutën e 23-të dhe Shinji Kagawa në të 59-ën. Pas 32 javësh, Dortmund ka mbledhur 75 pikë me bilanc prej 23 fitore, 6 barazime dhe 3 humbje.
Një ecuri fantastike e Dortmundit këtë vit, e mbyllur me titullin e festuar para tifozëve të saj ndaj një ekipi si Borussia Moenchengladbach e talentit Marco Reus që sezonin tjetër do ndryshojë fanelë. Birrat e freskëta të tifozëve dhe ekipit ishin gati në Signal-Iduna Park, edhe para ndeshjes.
(rb/shqiptarja.com
![](https://www.shqiptarja.com/template/img/sh_logo1.png)